Popular Bible Verses from လုကာ 19

Share

ချောင်စိုးနော်ဝဟော့ ကျုပ်ဟော့ချောင်ငဲ့ယဟော့ ရွှီလော့သဲ့ အကယ်တင်ရိုင်းတောက် အလူးနော" သိမ်အမိန့်တော်မူတို့။

"ဘုရားရှင်နာမတော်ဝိုလူးဟော့ ရှန်ပလာန်းငဟော့ ကချီးမွမ်း။ ရွှေမြို့တော် ငြိမ်းချမ်းဆီးဘွေ့၊ ဘုရားရှင်ဘုန်းတန်ခိုးတော်ဟော ဝါန်ဆီးဘွေ့" သိမ် ပါန်အာန်အိုလော့တဲ့အချီမွမ်းတို့။

ကိုယ်တော်လော့ ဇက္ခဲဝါ "နီချောင်ငဟော့ အာဗြဟံဗုန်းအဖြစ်ကြောင်းငို တိုဝါဟော့လော့ နောင်းလော့ နောင်းအင်းနာမွက်ဟော့ချောင်တကား ဘုရားရှင်လော့အကယ်တင်ဘော်ဟီ။

ကိုယ်တော်လော့ အနီနေရာဝါအဖိုးပိစ အပုဝါသိုင်လော့သဲ့ "ဇက္ခဲ မြန်မြန်ကွန်းလူးဝဲ့၊ တနှုတ် နောင်းအင်းနာ ကသိုင်အိုင်ရိုင်" သိမ်အမိန့်တော်မူတို့။ အနီကြောင်းငို ဇက္ခဲဟော ထိန်းငါဟော့ မြန်မြန်ကွန်းလူးလော့သဲ့ ကိုယ်တော်ယေရှု ပျော်လော့သဲ့ အကြိုဆိုသို့။

အနီပိစ ဇက္ခဲလော့ထောန်လော့သဲ့ အရှင်ဝါ "အရှင်ဟင်ဘွေ၊ ကေ့ကပိုင်ငဟော့ တကား ငဟော့ မွက်ငှားဟော့ချောင်ငဲ့ငှာ တဝက်ကခါးပိတ်ကိုင်း။ အနီထောက်ကာ ပေန်းနောတ်ငှာဟော့ မတရားတုံအုံဟလော့ ကကုပ်ကဟော့ အခွန်ဟင်းစထောက်ကာ ဆလှီပိုဟော့ ဟင်းစပြန်လော့ ကအမ်းဘော်ဝိုင်း" သိမ်အလျှောက်တင်တို့။

ချောင်အုပ်ဒိက်ကာဟော့ ဖာရိရှဲ တချို့လော့ ကိုယ်တော်ဝါ "ဆရာဝေါ၊ နောင်းတပည့်တော်ဝဲ့လော့ နီလှောက်ကာအဟောက်ဝဟော့ ရပ်ရှောက်ကဲ့" သိမ်အလျှောက်သင်တို့။ အနီပိစ ကိုယ်တော်လော့ ယနိယာ "နောင်နိယာ ကေ့ကဟောက်ဝိုင်၊ တကယ်လော့ နီချောင်ငဲ့လော့ ယနိပါန်အာန်ငဟော့ အရပ်ကနို လုံးသောက်ကဲ့ ယန်ပါန်အာန်ငိုင်" သိမ်အမိန့်တော်မူတို့။