Popular Bible Verses from انجیل لوقا 17

Share

پس عیسی اَ مردکنَش باته: «بیز و بشه، اِشته ایمانه تِش شفا دیش.»

اگم ای روجک هفت را اِشته حقک گناه بکره، هر صَفَر بایه اِشته وَر و باجه ”توبه کرم“ ته گه اَوه ببخشی.»

ایگله اَ جُزامیانک وختی بیندشه که شفا اَرَکتشه، اَجوره که بِلنده صصنش خداش شکر کَردرده، آگَردس عیسی وَر و عیسی پا دگس و اَوِکش تشکر بکه. اَ جذامی سامر اهالیک به که یهودیان اَوانکشان خَش نامسِه.

پس اِشتن ویراجین ببا. اگم اِشته برا، اِشته حقک گناه بکره، اَوِه توبیخ بکه، اگم توبش بکه، اَوه ببخش.

عیسی باته: «مگم اَ دَه نفر همه چاک آنبنده؟ پس اَ نُه نفر کارنده؟

عیسی خداوند باتشه: «اگم شاما ایگله ویلّییَه خردله دانَه قدر ایمان داشته رانه، تانسِرانه اِم توته دارِنه باجا که ریشه نه برا و دریا دِلَک کاشته بِبَش، وَ اَ دارَه شاما دستوره اطاعت کریه.

هر کسی اِشتن جانه نجات دییَنه را تقلا کره، اَوه از دست دیه، امّا هر کسی اِشتن جان فدا بکره، اَوه نجات دَییه.

عیسی اِشتن شاگردانش باته: «وسوسک نیبی دِوَشتن، امّا وای به حال اَ کسی که وسوسه باعث بیبی. چَه را چاکتره که ایگله پیله آسیا سِگی اِشتن گردنه دِوَنده و اِشتن دَریا تانِک دِرنه، تا اِم که باعث بیبی ایگله اِم ویلیانک گناه بکرنده.

انسان زا زمان نوح پیغمبره زمان شوار بی. مردمه خَرده و آخرده و زنشان برده و شو شسنده تا اَ روجی که نوح دِشه کشتی دِلَه. اَدمی سیل بامه و همش نابود بکردنده.