Popular Bible Verses from نامه، رومیانِ کلیسائه وِسه 3

Share

چوون همه گِناه هاکاردِنه و خِدائه جِلالِ پَلی کم یارنِنه. و خِدائه فیضِ هِمراه که یِتا هَدیهِ واریِ و اون آزادیِ خون بهائه طریق که مَسیحْ عیسیِ دِله دره، صالح بِشمارِسه بونِنه.

این صالحی که خِدائه جِم هَسه، عیسیِ مَسیحِ ایمونِ راهِ جِم هَسه و همهِ کِسائه نَصیب بونه که ایمون یارنِنه. چوون هیچ فرقی نییِلنه.

خِدا، عیسی مَسیحِ، گِناهونِ کَفّاره‌ِ واری مَعرِفی هاکارده. اون کَفّاره ای که وه خونِ هِمراه و ایمونِ راهِ جِم به دَس اِنه. این خِدائه عِدالَتِ سِراغ هِدائِنِ وِسه بییه، چوون وه شه صبرِ اِلهیِ هِمراه، اون گِناهونی که قبلاً اِتفاق دَکِته بییه ره نَدید بَییته. این کار اینِ وِسه بییه تا شه عِدالَتِ این زمونهِ دِله سِراغ هاده تا شه عادل بوئه و تِمومِ کِسایی هم که عیسی ره ایمون دارنِنه، صالح بِشمارِسه بَووِن.

چوون هیچ آدِمی دَنییه که شَریعتِ اَعمالِ به جا بیاردنِ هِمراه، خِدائه نَظِر صالح بَووه، بلکه شَریعَت، گِناهِ اِما ره سِراغ دِنه.

هَمون طی که مِقدَّسِ کِتابِ دِله بَنوِشته بَییه: «هیچ کی صالح نییه، حَتّی یه نَفِر. هیچ‌کی با فَهم نییه، هیچ‌کی خِدائه دِمبال نَگِردِنه. همه خِدائه جِم رو بَردِگاردِنینه، وِشون همگی بی خِد بَینه. هیچ کی خواری نَکانده، حَتّی یه نَفِر.»

چوون اِما اینِ اعتقاد دارمی که آدِمی ایمونِ راهِ جِم و بدون اینکه شَریعتِ اَعمالِ به جا بیاره، صالح بِشمارِسه بونه.

اَصلاً! حَتّی اگه تِمومِ آدِمون دِراغ زَن بوئِن، خِدا راسگوئه! هَمون طی که داوودِ پادشاهِ مزمورِ دِله بَنوِشته بَییه: «اینِ وِسه وَختی گَب زَندی، راس گانی، و اون مووقه که قِضاوِت کاندی، تِ قِضاوِت دِرِسِ»