Popular Bible Verses from اوّلین نامه قُرِنتیانِ وِسه 15

Share

پَس، مِ عزیزِ بِرارون، پابرجا و پایدار بوئین، هَمش خِداوندِ کارِ ویشتر و ویشتر اِنجام هادین، چوون دوندِنی شِمه زَحمِت خِداوندِ دِله بیخودی نییه.

ولی خِدا ره شِکر که اَمه خِداوند عیسی مَسیحِ طَریق اِما ره پیروزی دِنه.

گول نَخورین: «بَدِ هَمنشین، خوارِ اَخلاقِ خِراب کانده.»

ولی اونی که اَلان ویندِنی هَسِمه خِدائه فیضِ خاطِریِ، و وه فِیض مِ وِسه بی‌فایده نَییه. برعکس، مِن، تِمومِ وِشونِ جِم، سَخت‌تِر کار هاکاردِمه، ولی نا مِن، بلکه خِدائه فیضِ خاطِریِ که مِ هِمراه دَره.

«اِی مَرگ، تِ پیروزی کجه دَره؟ و اِی مَرگ، تِ نیش کِجه دَره؟» مَرگِ نیش گِناهِ و گِناهِ قِوَّت، شَریعتِ.

گوش هادین! یِتا راز شِما ره گامبه: اِما همه نَمییِرمی، بلکه همه تبدیل بومبی. یه لَحظه و یِتا چِش به هم بَزوئِنِ اِندا، هَمون مووقه که آخِرین شیپور بَزو بونه. وَختی شیپورِ صدا در اِنه، مِرده ها زِنده بونِنه و دییه از بین نشونِنه و اِما تبدیل بومبی.

چوون هَمون‌ طی که بَمِردِن یِتا آدِمِ طَریق بییَمو، مِرده هائه زنده بَیِّن هم یِتا آدِمِ طَریق اِنه. چوون هَمون‌ طی که همه آدِمِ دِله مییِرنِنه، همه مَسیح دِله هم زنده بونِنه.

چوون این تَن که از بین شونه وِنه اون تَنی که از بین نَشونه ره دَپوشه و این تَنی که فانیِ وِنه اون تَنی که فانی نییه ره دَپوشه.

چوون وه وِنه تا وَختی که تِمومِ شه دِشمنونِ شه لینگِ بِن بییِلّه، سلطنت هاکانه. مَرگ، آخِرین دِشمِنِ که وِنه از بین بوره.