Popular Bible Verses from Anthokna 7

Share

Hatuka Zehova'n Mōsi kōma, “Entā, Faro ranga Pathian anga kei na sin a ni, na paruol Aron chu na deari ni in ti.

Faro malung mankhir ka ting, ka sinsiana lē ka tichangbui sinthō chu Āigupta rama maphung ka ting. Tenchu Faro'n na lei poisak nō ni, Āiguptā chunga ka kut kei ālangna rang, ka sipai ngāi lē ka mi ngāi, Israel nāi ngāi chu, ka ruirilna lian lē Āiguptā nāta ruoi ka ting.

Āiguptā chunga ka kut ka hong phar tik chu, amāni kōm ātā Israel nāi ngāi amāni kār ātā ka hong ruoi u tikle chu, Āigupta mi ngāiin Zehova kā ni tīna riat u'n ti,” a tī na.

Tenchu Faro-in um mihian ngāi lē dōithei ngāi a pāi a, Āiguptā-na dōikungpū ngāiin um hantin dēn han a dōichong u ngāi le han a thō u na. Hankēng mi tinin a sunrol a vōr chip u na, hatuka hava ngāi ha marūl a hong āchang u na. Tenchu Aron a sunrolin amāni sunrol ngāi chu ā vol kiar a.

Hatuka Zehova'n hintin hin a tī na, “Hiva nātā nangin Zehova kā ni tī na riat na ti. Entā, Nail tidunga tī chu ka kuta sunrol le han razīk ka ting, hava ngāi ha thisen hong chang in ti.

“Faro'n nangni kōma, ‘Tichangbui sinthō manmu u ta,’ a hong ti u le, hatuka nangin Aron a kōma, ‘Na sunrol lāk tānla, Faro makunga dēng ro, hatuka hava ha marūl hong chang rase,’ ti tānla,” a tī na. Hankēng Mōsi lē Aron chu Faro kōma a sē u na, Zehova'n chong ei pēk anga, havan tin han a va thō u na. Hatuka Aron-in a sunrol chu Faro makunga le a suok ngāi makunga a vōr a, hatuka hava ha marūl a hong āchang a.