Popular Bible Verses from Лука 10

Share

Гьале дица нужее къудрат кьуна щибго зарал гьечӀого борхьалги ичӀкӀалалги хӀатӀаз мерхьине ва тушманалъул тӀолабго къуват-гучалда тӀад кверщелги кьуна.

ТӀадегӀанав ГӀисаца, гьелъие жаваб кьун, абуна: – Марта! Марта! Мун гӀемераб жоялда квер чӀвазе лъугьун йиго, амма цо жо кквезе ккола чияс. Гьале Марямица лъикӀаб бутӀа тӀаса бищана, лъиданиги кӀвеларо гьелъухъа гьеб бахъизе.

Дос жаваб кьуна: – «Дурго БетӀергьан Аллагь дуе вокьа дур тӀолабго ракӀалдалъун, дур тӀолабго рухӀалдалъун, дур тӀолабго къуват-жаналдалъун, дур тӀолабго гӀакълу-пикруялдалъун» ва «Мунго гӀадин вокьа дуе дуда аскӀов вугевги».

Гьес гьезда абуна: – Хуриб хӀалухъен гӀемер бижун буго, хӀалтӀухъаби дагь руго. Гьеб лъилъизе кверщел кодоб бугев БетӀергьанасда гьаре лъилъарухъаби ритӀеян.

Хъачагъаз зулму гьабурасда «аскӀов вугевлъун» щив рикӀкӀинев гьел лъабаздаго гьоркьоса? – Досда гурхӀун кумек гьабуравха, – ян жаваб кьуна динияв гӀалимчияс. ГӀисаца гьесда абуна: – Инеги ун, дуцаги гьедин гьабе, – ян.

Гьанже а! Гьале дица нуж ритӀулел руго бацӀазда гъорлъе кьагӀи гӀадин.