Popular Bible Verses from मरकुस 9

Share

ईशु ने ओनु केहले, “अगर तु कर सग़ी? हा का बात छै। विश्‍वास करने आला वास्ते सब कोच्छ हो सग़े छै।”

छोरा चे ब़ा ने तुरुन्त गिड़गिड़ाती कर केहले, “हे प्रभु, मैं विश्‍वास करे पला, माये अविश्‍वास चा उपा कर।”

जिसे बेले ईशु घरे आला, तां ओचे चैला ने हेकले मां ओकनु पूछले, “अम्ही विनु कां कोनी काढ़ सग़ले?” ऐचे उपर ईशु ने वानु केहले, “इसड़े भूत प्राथना चे बिना ना निकल सग़ी।”

“लूण आच्छे छै, पर अगर लूणा चा स्वाद बिगड़ती जाये तां बल्ति किसी चीजे लारे नमकीन करले जई? “आपणे मां लूण राखा ते हेके ङुजे लारे प्यारा लारे रिहा।”

“जको कुई माये नांवा लारे इसड़े ब़ाला महु कुई हेक नु वी स्वीकार करे, ओ मनु स्वीकार करे, ते जको कुई मनु स्वीकार करे, ओ मनु ना, बल्कि माये भेज़णे आले नु स्वीकार करे।”

जको कुई हेक मुंगर पाणी पिलावे ऐवास्ते कि तम्ही मसीह चे छिवा मैं तम्हानु सच्‍च किहे पला, ओ किसी रीति लारे आपणा प्रतिफल नी गुंवी।

“जको कुई यां छोटा महु जको माये उपर विश्‍वास करी, कानु ठोकर खुलाओ तां ओचे वास्ते ईं भले छै कि हेक बङी घर्टी चा पोड़ ओचे गले मां लटकाला जईया ते ओ समुन्दरा मां नाखती ङिला जईया।

अगर दुधी आंख तनु ठोकर खुलाओ तां विनु काढ़ती नाख। काणा हुती कर नरीकारा चे राज़ मां जाणे दुधे वास्ते ऐचे कनु भले छै कि ङोन आंखी रेहते हुले तु नर्का मां नाखला जई।