Popular Bible Verses from Johani 1

Share

Unone wahe awa mu tamburire no ku tawa ku kwenthzi, wa wa pire okoro o kwikara ana Nyambi.

Ku matatekero Diywi ko dyekarire. Karo Diywi dyekarire kwa Nyambi, mane nedi Nyambi.

Mwethzi waa muneka mu mirema, karo mirema ka na thzi u othzo.

Diywi dya pirukire munu no ku tunga mu kaci ketu. Na tu mono kutethzima kwenthzi, kutethzima kwa Mwana yofoci pakamutwa oyu naa tundu kwa Tata, aye o kuyara thsihemo noshemwa.

Nyambi wombire enu yoihe kenthzi, karo kwithsa ethsi thsombiwire ko kupira aye. Ku kwenthzi kwekarire mwoyo, karo oo mwoyo wa retire mwethzi kwanu wahe.

Diyuwa edi dya randireko, Johani wa monine Yesu o ku mu tamba. Ngou a ambire ci: “Mu mone! Oya Dinguana dya Nyambi, aye o ku tundithsa thsivi thso kaye!

Wekarire mu kaye aka ombire, unone kaye ka ka mu dimukire. Wa keyire kwanuenthzi shemwa, unone awo ka mu tamburire.

Aye mwethzi shemwa, oyu munekera anu wahe, o ku keya mu kaye.

Inene murao shime wa piwire ka Mushe, unone thsihemo noshemwa ya keyire ka Yesu Krisitu.