Popular Bible Verses from Сефания 3

Share

Қудайың Жаратқан Ийе сениң ишиңде, Ол қүдиретли қутқарыўшы. Ол сизлерди деп қуўанып, шадланады, Сүйиспеншилиги менен сизлерди жубатады, Сен ушын бәлент даўыс пенен шадланады».

Сол ўақытта Мен сизлерди жыйнап, Елиңизге жетелеп, алып келемен. Сизлерди және абаданшылыққа еристиремен, Буны өз көзиңиз бенен көресиз, Дүньядағы барлық халықлардың алдында, Сизлерди ҳүрмет ҳәм абырайға еристиремен», – дейди Жаратқан Ийе.

Жаратқан Ийе саған қарсы ҳүкимди алып таслады, Душпанларыңды қуўып жиберди. Израилдың Патшасы Жаратқан Ийе сениң ишиңде. Енди қайтып апаттан қорқпайсаң.

Мине, сизлерге зулым қылғанларды Өзим жазалайман, Ақсағанларды қутқарып, тарап кеткенлерди жыйнап аламан. Шерменде болған еллеринде, Оларды абырай ҳәм ҳүрметке еристиремен.