Revelation 8 ਤੋਂ ਪ੍ਰਸਿੱਧ ਬਾਈਬਲ ਆਇਤਾਂ

ਸਾਂਝਾ ਕਰੋ

Penniighaghaam qelpeghtaqngamigu maaghraghvinliitanga seal‑ellghem, qilagmi qallegnanighwaaghutut entaqun aflum avellghatun tagkaan.

Sivuliim yaqulgem qalghightaatni qalghightaa. Taagken kaftekragenkuk, kenghenkuk akumlutek aawmeng nunamun miluutagket. Enkaam pingayughqellgha nunam paneghtuq, pingayughqellghitlu uqfiget paneghtut, qamagllutengllu sungaghyulghiit vegaaghet paneghtut.

Esghaghaqallu nagaqughaqallu qawaagpak tengaalghii quulvani, iglagtuluni pilghii, “Seghleghwaaghunaqnguuq! Seghleghwaaghunaqnguuq! Seghleghwaaghunaqnguuq! Kinguliit pingayut yaqulget qalghighhnaqegkumegteki qalghightaateteng, taagken elngaatall seghlepestaaghunaqnguuq yugnun nunami kiyaghlleghhiit tamaani pilleghni!”

Tuunglighhaan yaqulgem qalghightaatni qalghightaa. Taagken sangwaa naayghaghllagsugnilnguq kumaghugngalghii, miluutaat kelliinun. Enkaam pingayughqellgha kelliim aawgughtuq.

Pingayiitangita yaqulgem qalghightaatni qalghightaa. Taagken ighaleqetaaghllak, kumaghughngalghii torch‑etun, qilagameng ifkaghtuq pingayughqellghitgun kiiwetlu sengngulghiitlu meghet. Aatgha ighaleqetaaghem “Sungaghni”. Pingayughqellgha meghem sungaghnightekaq enkaam yulghuteghllaget meghluteng tuqukat qayughllak meq sungaghnightekaalghii.

Estamiitangita yaqulgem qalghightaatni qalghightaa. Taagken saam tenpii siqineq, tanqiq, ighaleqataaghetlu, enkaam pingayughqellghi mamlegtii. Pingayughqellgha aghneghem mamlegtaa, pingayughqellghallu unugem.