1
Matthew 7:7
New Testament-et Akuzipigestun
ess
“Aaptek, allgeghullequsi; ivaghitek, naalkullequsi; tenglugtughtek amigkun, qelpeghulleqiisi.
ਤੁਲਨਾ ਕਰੋ
Matthew 7:7ਪੜਚੋਲ ਕਰੋ
2
Matthew 7:8
Qayughllak kina alngunak aapleghhii, allgeghusaghqaaguq; kina alngunak ivaghilghii, naalkusaghqaaguq, kina alngunak tenglugtulghii amigkun, qelpeghulleqaa.
Matthew 7:8ਪੜਚੋਲ ਕਰੋ
3
Matthew 7:24
“Kina alngunak nagallghii apeghtughillemnun, qaatkegkumiki peghqinelghiitun yugtun ayuquq mangteghangllaqaq uyghagem qaayngakun.
Matthew 7:24ਪੜਚੋਲ ਕਰੋ
4
Matthew 7:12
“Enkaam yulgutegpesinun pinitun pistesukufsi, elpesillu pinitun piiqiteki. Tawaten apeghtughinguut Moses‑em Liilightuusiillu, uuknaliqistetlu igaqegkiit.”
Matthew 7:12ਪੜਚੋਲ ਕਰੋ
5
Matthew 7:14
Iwernga amik unguvalleghmun ayuqelghii kagpestaaghhaaguq, tuumllugmetuqlu enkaam qafsinkuuraghhaam naalkaqii tumet unguvalleghmun ayuqelghiit.
Matthew 7:14ਪੜਚੋਲ ਕਰੋ
6
Matthew 7:13
Taagken Jesus‑em pikii, “Iteghtek kagpestaaghhaghqun amigkun. Amik hell‑mun ayuqelghii nuqutuuq, tuumkegtuqlu enkaam uglaq taakwagun igleghtaquq.
Matthew 7:13ਪੜਚੋਲ ਕਰੋ
7
Matthew 7:11
Seghleghughngaaghpesi, avaqutasi tuunyaghqaqasi pinilghiimeng tunusameng. Atazi qilagmelnguq tuuniyugataghaghluni ayuquq pinilghiimeng tunusameng tamaakunun aapleghhinun ellminun.
Matthew 7:11ਪੜਚੋਲ ਕਰੋ
8
Matthew 7:1-2
Jesus‑em apeghtuusani nagneghutkii, “Nanqigtigpenasi ilagpesineng enkaam Kiyaghneghem nanqiggneghillisi, qayughllak Kiyaghneghem nanqiglleqiisi tawatengngwaaq nanqigtilleghpesistun ilagpesineng. Atuqelleqiillu elpesinun ataasit tamaakut pikasi ilagpesinun.
Matthew 7:1-2ਪੜਚੋਲ ਕਰੋ
9
Matthew 7:26
“Iwernga kina alngunak nagateghngaaghmi apeghtughillemnun, qaatkenghilkumiki, nalluqatun yugtun ayuquq mangteghangllaqaq qenaaghllugkun.
Matthew 7:26ਪੜਚੋਲ ਕਰੋ
10
Matthew 7:3-4
Sangan esghaghsigu yulgutegpek iisqughutnga, elpek katam iisqughuten unaghsighllak avelghaghluku? Salghiimeng yulguten pizigu, ‘Entaa‑a iisqughutngiqaghlaken’, elpek paninang iisqughutelguluten unaghsighllagmeng?
Matthew 7:3-4ਪੜਚੋਲ ਕਰੋ
11
Matthew 7:15-16
“Kelengalusi uuknaliqistesighwaaghneng. Takulleqiisi penniighsugnighqelluteng, taawanginaq ugighsalghiistun amaastun ayuqut. Liigikelleqasi nangaghneghitgun liigikelleghpesistun uqfiget sameng piitestillghitgun. Sikughlluget piitestingigatut grapes‑meng nalighmeng figs‑meng, tawateghpigaq seghleghet yuget pinitun pingigatut.
Matthew 7:15-16ਪੜਚੋਲ ਕਰੋ
12
Matthew 7:17
Uqfik pinilghii piitestiyaghqaaguq pinilghiimeng, taawanginaq uqfik seghleq piitestiyaghqaaguq seghleghmeng.
Matthew 7:17ਪੜਚੋਲ ਕਰੋ
13
Matthew 7:18
Uqfik pinilghii piitestinaanghituq seghleghmeng, uqfik seghleq piitestinaanghituq pinilghiimeng.
Matthew 7:18ਪੜਚੋਲ ਕਰੋ
14
Matthew 7:19
Enkaam alngunak uqfik piitestinghilnguq pinilghiimeng kepluni kumaghsaghqaaguq.
Matthew 7:19ਪੜਚੋਲ ਕਰੋ