Galatians 5 ਤੋਂ ਪ੍ਰਸਿੱਧ ਬਾਈਬਲ ਆਇਤਾਂ

ਸਾਂਝਾ ਕਰੋ

Naqamenraq Agleghnalghiim Taghnegham piitestekii ukunguut: piniqelleq, quyamalleq, nekeggmelleq, nuqenneghtulleq, nangllegtalleq, pinilleq, ataasiighmetelleq, yakumangingitelleq, nuqetelleqlu. Taakut iinghutellghitut alngunak liilightuusani.

Whaten piimsi, kiyaghtek qaatkellukek Agleghnalghiik Taghneghak. Tawaten pikufsi atuqnaanghitasi seghleghqengngalghiit piyukellghi yugusim.

Kiyaghtengngukumta Taghneghagnekun, qaatkeltekek Taghneghak.

Christ Jesus‑em pingita qaquuraatkaqiit seghleghqengngalghiit piyukellghit yugusimeng.

Yugusim seghleghqelleghtuqam piyukellghi nalluniitut. Ukunguut: alngunaseghaq, seghletun atuqutelleq, nuqesigalnguut alngunak atuqimun, maniiguutelleq kiyaghnengllaqanun, uyviiniqelleq, anguyiqelleq, pillugutelleq, qungyaqilleq, sakritelleq, ellnginaayugtelleq, aafqemeraalleq, qerngughpagtaatelleq, aqinalleq, suumelleq, qerngughulluteng aghsaghpaagtaqut seghletun pilleghmun, ilanganengllu seghleghqelleghneng. Kelengasaaghnaqlaataghamsi sivunghani pillemtun, tamaakut tawaten kiyaghlleghhiit ilatnganaanghitut quyasleghaneng Kiyaghneghem Ataneghpagullghan.

Ugpeqaalgutemni, Kiyaghneghem tagsiqaqiisi itemngalleghmun Christ‑akun. Taawanginaq atuqegpenaan itemngalleghsi atughyaghqaaluki seghleghqengngalghiit piyukellghi yugusim. Itupill qepghaateki ilasi piniqelleghpesigun.

Qayughllak seghleghqengngalghiit piyukellghi yugusim kipullegngaat Taghneghagnun, piyukellghi Taghnegham kipullegngaat piyukellghanun yugusim. Taakuk anguyakutuk enkaam atuqnaanghitasi piyukellesi.

Qayughllak qaatkelleqasi qamaglluki Liilightuusat qaatkegkufsigu una Liilightuusaq: “Piniqluku yulguten piniqelleghpetun elpeneng katam.”

Qukaayugneghufqaamta, qinuyugtifqaamta, aqinakutefqaamta.

Christ‑am whangkuta itemutkaqutanganeng, itemepiigumaakut. Enkaangam nekevghatek aghuliilkaalusi, qepghaghtelaaghughhneqigtegpenasi Liilightuusanun.