2 Corinthians 5 ਤੋਂ ਪ੍ਰਸਿੱਧ ਬਾਈਬਲ ਆਇਤਾਂ

ਸਾਂਝਾ ਕਰੋ

Kina alngunak Christ‑am piliinneghminigu nutaghaghllugughtaquq. Kiyaghtaalleluga aviighutaquq, iwernga nutaghaghlluk kiyaghtaallgha piinlighaquq.

Christ‑a seghleghqumangitngwaaghtuq, iwernga seghleghqellemnnun Kiyaghneghem aghyuuqaqaa seghleghqegkaaluku. Enkaam Christ‑akun Kiyaghneghem elqughutngangllaqaqiinkut.

Kiyaghtengnguukut ugpeqilleghqun, nakaan esghaqayumteggun.

Kiyaghneghuuq tawaten pikaq. Ellngan ilaliighutestekaqiinkut ellminun Christ‑akun. Qepghaqalitiinkutlu ilangillu yuget ilaliighutesqelluki ellminun. Christ‑akun Kiyaghneghem ilaliighwii qamagtengngwaaghluki yuget, umyugaghmikegpenaki seghleghqellghit. Enkaangam ungipaghqalitkaqiinkut aapghesqelluki naten ellminun ilaliighutangi ellngit.

Kiyaghneghem kayagtekaqiinkut ungipaghtenguluta Christ‑amun, enkaam whangkutgun tagisqellusi ellminun. Akuzistenguukut Christ‑amun kayemilghiit ilaliighutesqellusi Kiyaghneghmun.

Christ‑am tuqumatkegkaqii qamagtengngwaaghluki yuget. Enkaam kiyaghlleghhiit kiyaghsaqlegullequt ellnganun, nakaan ellmeggnun katam. Tuquluni unguvaghtekaaguq ellngit apalluqluki. Whaken kenlekluku kina alngunak sumeghtaghaatkennaniimaaghput nunam yugan sumeghtaghaatkellghatun. Qaywa ataasimeng sumeghtaghaatkegkaqaghput Christ‑a nunam yugan pillghatun, tawaten sumeghtaghaatkennaniimaaghput.

Christ‑am igleghutngwiinkut piniqelleghmikun. Liisimakngwaaghaghput yugem ataasim tuqumatkegkaqaa qamagtengngwaaghluku yuuk. Tamaaken apalluqluku qamagtengngwaaghluteng yuget tuqukaagut.