1 John 4 ਤੋਂ ਪ੍ਰਸਿੱਧ ਬਾਈਬਲ ਆਇਤਾਂ

ਸਾਂਝਾ ਕਰੋ

Piniqelleghmi alingelleq aviituq qayughllak iighwiqam piniqellghem ighlleqayuwaa alingelleq. Enkaangam piniqelleq iighwiimangituq tamaakuni paninang alingegkayugni, qayughllak alingellelguuq aghyuulleq.

Taghnughhaghni, elpesi Kiyaghneghem pikutanganeng, kayaalqegkaqasi tamaakut qayughllak ilugpesinilnguq aghtughyaghqaanghitaghaghtuq nunamelngughmeng.

Piniqiiqukut qayughllak Kiyaghneghem sivukluni piniqegkaqiinkut.

Piniqegkamni, yeqay piniqututelta qayughllak piniqelleq Kiyaghneghmeng pinguuq. Kina alngunak piniqingalghii taghnughhaqaa Kiyaghneghem, liisimakaallu Kiyaghneq.

Kitum alngunak piniqinghilnguum nallukaa Kiyaghneq, qayughllak Kiyaghneq piniqellghuuq.

Piniqelleq akuzitkegkegka whangkuta piniqelqenghitaghput Kiyaghneghmun. Yeghlegi Kiyaghneghem piniqelqaa whangkunnun kelgutkaa kayagtelleghmikun Ighneni iqitusiiluku seghleghqellemnnun.

Piniqegkamni, Kiyaghneghem piniqellgha whangkunnun tawateskan whangkutallu piniqutusaghqaagukut.

Kiyaghneghem kayagtekaqaa taananginaghhaq Ighneni nunamun, unguvallengesqelluta ellngakun. Tawaten pilleghmikun Kiyaghneghem kelgutkaqaa piniqelleni whangkunnun.

Kina pikumi, “Piniqaqa Kiyaghneq,” naqam ugumikluku ugpeqaalgutni, iqlengiqestenguuq. Qayughllak kitum alngunak piniqenghilkumigu ugpeqaalgutni esghaqayuni, piniqnaanghitaa Kiyaghneq esghiigalkenni.

Kitum alngunak aapqagu Jesus Ighneqniluku Kiyaghneghmun, Kiyaghneq kiyaghtengnguuq ellngani, ellnga Kiyaghneghmi.

Una qelghusaqaa Christ‑am whangkunnun, kitum piniqegkumigu Kiyaghneq, piniqsaghqaqaa ugpeqaalgutnillu.

Piniqegkamni, ugpeqegpenaki qamaglluki taghneghat. Yeghlegi liigiknaqaqiteki Kiyaghneghmeng pingutangi, qayughllak uglapiglleghhiit uuknaliqistesighwaaghet mingisimaat nunami. Esgha whaten liisimaksaghqagsi Kiyaghneghmun Taghneghaqutkek: tamaghhaghmi taghnegham aapqagu Jesus Christ‑a yuguluni allgeqaaniluku, Kiyaghneghtaaguq.

Iwernga tamaghhaghmi taghnegham mesiighaaskagu Jesus yuguluni allgeqaanghinniluku Kiyaghneghtaanghituq. Taakuk taghneghak anguyakilghiimeng Christ‑ameng pinguuk nagaquqaghpesineng tagiiyaghqaanilukek. Taawa maaten kaatngwaaghlutek nunamun ayuquk.