Popular Bible Verses from ወንጌል ዘማርቆስ 13

Share

ወትከውኑ ጽሉኣነ በኀበ ኵሉ ሰብእ በእንተ ስምየ ወዘሰ አዝለፈ ትዕግሥቶ ውእቱ ይድኅን።

ዑቁ ትግሁ ወጸልዩ እስመ ኢተአምሩ ማእዜ መዋዕለ ጊዜሁ።

ወሶበሂ ያበጽሑክሙ ወይሜጥዉክሙ ኢትቅድሙ ተኀልዩ ዘትብሉ ወዘትነብቡ ዘአንበበክሙ ሶቤሃ ንቡ እስመ ኢኮንክሙ አንትሙ ዘትነብቡ ዘእንበለ መንፈስ ቅዱስ ።

ሰማይ ወምድር የኀልፍ ወቃልየሰ ኢኀልፍ።

ወበእንተሰ ይእቲ ዕለት ወይእቲ ሰዓት አልቦ ዘየአምራ ኢመላእክተ ሰማይ ወኢወልድ ዘእንበለ አብ ባሕቲቱ።

ወአመ ሰማዕክሙ አጽባእተ ወድምፀ ጸባኢት ኢትደንግፁ እስመ ሀለዎ ይኩን ዝንቱ ወባሕቱ አኮ ሶቤሃ ዘየኀልቅ።

ትግሁ እንከ እስመ ኢተአምሩ ማእዜ ይመጽእ በዓለ ቤት እመሂ ሠርከ ወእመሂ መንፈቀ ሌሊት ወእመሂ ጊዜ ይነቁ ዶርሆ ወእመሂ ጸቢሖ። ኢይምጻእክሙ ግብተ ወኢይርከብክሙ እንዘ ትነውሙ። ወናሁ እብለክሙ ለኵልክሙ ትግሁ።

ወይትነሣእ ሕዝብ ዲበ ሕዝብ ወነገሥት ላዕለ ነገሥት ወይከውን ድልቅልቅ በበ ብሔሩ ወይመጽእ ረኃብ ወዝንቱ ቀዳሚሁ ለፃዕር።

ወለኵሎሙ አሕዛብ ይደሉ ይቅድሙ ወይስብክዎ ለወንጌል።

እስመ ብዙኃን ይመጽኡ በስምየ እንዘ ይብሉ አነ ውእቱ ክርስቶስ ወያስሕትዎሙ ለብዙኃን።

ወአንትሙሰ ዑቁ ርእሰክሙ ወይወስዱክሙ አዕዋዳተ ወይቀሥፉክሙ በመኳርብት ወይትባጽሑክሙ ኀበ መላእክት ወነገሥት በእንቲኣየ ከመ ይኩን ስምዐ ላዕሌሆሙ።

እስመ ይመጽኡ ሐሳውያነ መሲሕ ወሐሳውያነ ነቢያት ወይገብሩ ተአምረ ወመንክረ ከመ ያስሕቱ ወሶበሰ ይትከሀሎሙ እምአስሐትዎሙ ለኅሩያንሂ።

ወባሕቱ ይእተ አሚረ ምስለ ዝ ኵሉ ሕማም ፀሓይኒ ይጸልም ወወርኅኒ ኢይሁብ ብርሃኖ። ወከዋክብትኒ ይወድቁ እምሰማይ ወይትከወስ ኀይለ ሰማያት።