Popular Bible Verses from ኀበ ሰብአ ቆሮንቶስ 1 15

Share

ወይእዜኒ አኀዊነ ፍቁራን ኩኑ ጽኑዓነ ወድልዋነ ወኢታንቀልቅሉ እምሃይማኖት ወአብዝኁ ገቢረ ሠናይ ለእግዚአብሔር ዘልፈ ተአምሩ ከመ ኢኮነ ለከንቱ ዘጻመውክሙ በእንተ እግዚእነ።

ወለእግዚአብሔር አኰቴት ዘወሀበነ ንማእ በእግዚእነ ኢየሱስ ክርስቶስ።

«ንብላዕ ወንስተይ ጌሠመ ንመውት» ኢያስሕቱክሙ አኀዊነ እስመ ነገር እኩይ ግዕዘ ሠናየ ያማስን።

ወባሕቱ በጸጋ እግዚአብሔር ሀሎኩ ኀበ ዘአነ ላዕሌሁ ወጸጋሁኒ ዘወሀበኒ አኮ ለከንቱ ዘኮነኒ ወባሕቱ አነ ፈድፋደ እምኵሎሙ ጻመውኩ ወአኮሰ አነ አላ ውእቱ ጸጋሁ ዘላዕሌየ።

አይቴ እንከ ቀኖትከ ሞት ወአይቴ መዊኦትከ ሲኦል።» ወቀኖቱሰ ለሞት ኀጢአት ወኀይላኒ ለኀጢአት ኦሪት።

ናሁ ኅቡአ ነገረ እነግረክሙ አኮ ኵልነ ዘንመውት። ወባሕቱ ኵልነ ንትዌለጥ በምዕር ከመ ቅጽበተ ዐይን በደኃሪ ንፍኀተ ቀርን ወይነፍኁ ቀርነ ወይትነሥኡ ምዉታን እንዘ ኢይትነከዩ ወንሕነኒ ንትዌለጥ።

እስመ በአሐዱ ብእሲ ኮነ ሞት ወበካልኡ ብእሲ ኮነ ትንሣኤ እምዉታን። ወበከመ በአሐዱ አዳም ኵልነ ንመውት ከማሁ በክርስቶስ ኵልነ ነሐዩ።

እስመ ሀለዎ ለዝንቱ ዘይማስን ይልበስ ዘኢይማስን ወዝንቱ መዋቲ ይልበስ ዘኢይመውት።

እስመ ሀለዎ ይንግሥ እስከ አመ ይገብኡ ኵሉ ጸላእቱ ታሕተ እገሪሁ። ወእምዝ ይሰዐር ደኃሪ ጸላኢ ዘውእቱ ሞት።