Popular Bible Verses from Makaabon 16

Share

Sarrak anay fayya haak, «Samsoonow, Filistiin mari kot yemeeteh» inte. Too waqdi usuk xiinik ugteeh; dumaak akah abak suge'nnah, ugutta 'yeh daqaarimma axcelem yekkeleeh; YALLI wakalih kaa'lih mayanim maaxaginna.

Too waqdi Samsoon dooqa abeeh, woo dooqah iyyeemih, «YALLAW, Mulki le Dageltaw, ku maganak yoo kassa hay. Yallaw, ku maganak a Filistiin maray namma inti yok yeyyeeqek cane gacsa'gidih, inki adda qande yot hay» iyye.

Sarrak ellecabol numma teetih warse. Teetik iyyeemih, «Amô-xagorti yok inkinnah makalinnon. Ooboke saakuk xabba haanam, *Qahdi-culeyna yekke marih innah, Yalli-caglita-num ekke. Tonna'mmay amô-xagorti yok yiggiriqek, sinam innah boolaateyyo» teetik iyye.

Taham kulli ayro kaa esserteeh; usuk a esseroy kulli way kaat abtahiyyak taqabeh. Mangom sabri yaallu maxiqinna.

Too waqdi anay fayya haak, «Filistiin mara duufut beeh rabam tu hinna» iyye. Sarrak woo qari qandek leemiik gutuqeeh; too waqdi woo qari woo koona malik kee raqqa 'ye maral inkih rade. Samsoon Filistiin marak addunyal yen saaku qideemik fula, rabe saaku qide.