Efrayim-mari akak kuda gita yabbixeeni'gidih, Gilqad-mari Ordon weeqaytuk akak taben afa keenik yibbixen. Efrayim-mari tokkek tabam faxa waqdi, Gilqad-mari tabeenak afal keenih suggu 'yeh, kulli numuk, «Efrayim num maay kinnito?» kaak axcuk sugen. «Aleey hinniyo» iyyekii, «Hay, ‹Shibbolet› inxicey» kaak axcuk sugen. Takkay immay hununuh tonnah axce wayya heeh, «Sibbolet» iyye kaa tekkek, Efrayim num kinnim elle kaak aaxaguk yenen. Too waqdi xabba kaa heeniih, Ordon weeqaytu akak taban tabeenal elle kaa qidak yenen. Tonnah abak too saaku Efrayim marak morootom kee namma alfih num rabe.