Popular Bible Verses from मरकुस 6

Share

वटे घणा मनक आरिया जारिया हा, ईं वाते वाँने खाणो खाबा को टेम भी ने मल पारियो हो। ईं वाते ईसू वाँने क्यो, “चालो, आपाँ हून्नी जगाँ पे चाला अन थोड़ोक रईम्बो ला।”

तद्याँ ईसू वाँने क्यो, “कस्या भी परमेसर का आड़ीऊँ बोलबावाळा ने वींको देस हगा-होई अन परवार ने छोड़न, दूजाँ कुई वींको मान ने गटावे हे।”

जद्याँ ईसू नावऊँ बारणे निकळ्या, तो वाँ घणी भीड़ देकी, तद्याँ वाँका पे घणी दया अई। काँके वे हंगळा गारा का जस्यान हा, ज्याँको कुई गवाळ्यो ने हो। तो ईसू वाँने नरी बाताँ हिकाबा लागा।

वटे ईसू कस्याई अचम्बावाळा काम ने कर सक्या, बेस माँदा मनकाँ पे हात राकन हव किदा। लोगाँ ने विस्वास ने करता देकन ईसू ने घणो अचम्बो व्यो। पछे ईसू गामाँ में ग्यो अन च्यारूँमेर उपदेस देतो रियो।

अन ईसू पाँच रोट्याँ अन दो माछळ्याँ उठान हरग के दयने देकन परमेसर ने धन्नेवाद दिदो अन रोट्याँ तोड़-तोड़न आपणाँ चेला ने परोसबा ने दिदी अन वणा वीं दो माछळ्याँ भी वाँ मनकाँ में बाँट दिदी। हंगळा जणा खान धापग्या। अन पछे वाँ चेला, बंची तकी रोट्याँ अन माछळ्याँ ने बारा ठोपल्याँ भरन तोकी।