Popular Bible Verses from 1 Corinthians 9

Share

Da ngaimane maḵaaḵ-abaḵ, ḵasapuḻane disiplinaonda da long-agda ta maaḻada gungunae allasu we madadail. Yaḵon ditaḵu we namati, sa gungunae annanayun maaḻa taḵu. Pun ḵan saḵon, siya unudoḵ ḵingwan da naḵatodtoddaḵe nanaḵpusda'tte pagpag ni totoddaḵane naippun nataḵtaḵanda. Isuḵ os buksinero we ibabattugna santuḵna ta adi miḵawas.

Disiplinaoḵ long-agḵu ta adiḵ unudon da lawwenge piona ta magangput ḵade iwaḻagawagḵu'tta udum, adiyaḵpun maḵaan.

Ipaniḵ namatiyan taḵu'tte todtoddaḵ. Igammu taḵu we nu awad todtoddaḵ, padason da losane maḵatodtoddaḵe angngog yaḵon ossaan magungunaan. Pun isuna ḵan ditaḵu we namati, igga taḵu ḵabooḻan taḵu ta maaḻa taḵu gungunae itton Apudyus.

Isuna bos nu antuttuduwaḵ atta anḵuya, ambalinaḵ aḵ dogada ta pumigsa pammatida. Pun ngaimane kalasin di tagu, ambalinaḵ aḵ dogada ya ḵooḵ da ngaiman ta mataguwan da udum ḵan dida.