Popular Bible Verses from मत्ती 22

Share

ईसु बिऊँ बोल्यो, “तू तेरा परबु परमेसरऊँ सगळा हिया, सगळा पिराण अर सगळी बुदीऊँ परेम कर। ओई सऊँ बडो अर पेलो हुकम ह। अर दुसरो हुकम बी इ झिसोई ह थारा पड़ोसीऊँ जंय्यां तू खुदऊँ परेम करै ह बंय्‍यांई परेम करजे।

नेम-कायदा अर परमेसर की खेबाळा की पोथ्या आ दो हुकमा पई टिकरी ह।”

जणा ईसु बोल्यो, “इ निती-कथानै खेबा को मतबल ओ ह, क परमेसर बोळानै बुलाया ह पण टाळेड़ा क्युंकई ह।”

सच तो ओ ह क मरेड़ा मऊँ ओज्यु जी उठबा क पाछै बा लूगाई बा मऊँ कोईसा किई लूगाई कोनी होसी। क्युं क ओज्यु जी उठबा क पाछै लूगाई-मोट्यारा म ब्या कोनी होवै पण बे ईस्बर नगरी दुता की जंय्यां होज्यासी।

थे मनै एक सीक्को दिखाओ। जिनै थे चुंगी म दिआ करो हो” जणा बे बिनै एक दिनार दि। अर ईसु बाऊँ बुज्यो, “इपै किको चितर अर किको आंक ह?” बे बोल्या, “रोम का समराट को” जणा ईसु बोल्यो, “जखो समराट को ह बो समराटनै द्‍यो अर जखो परमेसर को ह बो परमेसरनै द्‍यो।”