Popular Bible Verses from MARKUS 13

Share

Nggomid̄oho d̄i daca'u b̄a samenana dou b̄ara nggomid̄oho anamori Nahu. Pala dou ma wa'u taha sampe cumpukaina, d̄i kasalamana.”

Ndad̄i, nggomid̄oho pab̄uapu jaga-jagamu ro aina kabare, b̄ara nggomid̄oho wati b̄ademu b̄une aiku wakatuna.

Ro nggara nggomid̄oho d̄i wa'u ra leto b̄a dou ro d̄i wa'a aka kanto pangadila, aina darura ademu mab̄oha auku d̄i pab̄ua nggahi b̄a nggomid̄oho. Nggara nawa'usi rakara wakatuna d̄i nuntu ra nggahikaimu, nggahipu au rangoana d̄i nggomi ade wakatuna. B̄ara nggahi ra eli rarenta b̄a nggomid̄oho ede laina nggahi ra eli ndaimu, malaisi ma ramai ta Roh Allah.

Langi ro dana d̄imambora, pala nggahi ra eli Nahu ngge'empa santoi-ntoina.”

”Konena ndede, wati kone sab̄ua dou rau b̄ade b̄une aiku ainaina atao wakatuna. Mala'eka-mala'eka aka saroga wati ro Ana rau wati b̄adena, selasi Ama mpoampa ma b̄ade.

Nggara nggomid̄oho maringasi eli ncao ra tub̄a ro haba lewa ra laka, aina dahumu. Lampa rawi-lampa rawi ede pab̄ua ndad̄i, pala ede laina aona b̄a one wa'ura raka wakatuna kiama.

B̄ara ndedena nggomid̄oho pab̄uapu jaga-jaga, b̄ara nggomid̄oho wati b̄ademu b̄une aiku dou ma ntau uma ede mai mbalina – kombisi aimambia, kombisi samana'e ai, kombisi aimasubu, atao kombi wakatu wontu liro. Nggara sia namai sadekasi, ai to'ina sampe sia edana nggomid̄oho wunga marumu. Au ranggahi b̄a Nahu ake d̄i ru'u b̄a nggomid̄oho, Nahu ma nggahi rau d̄i ru'u b̄a samenana dou: jaga-jagapu!”

Bangsa ma sab̄ua d̄imalewa lab̄o bangsa ma kalai. Negara ma sab̄ua d̄imadei negara ma kalai. Tab̄e-b̄e wara epu ro bahaya sarahid̄o. Sara'ana ede ampodena tampu'ukaina, b̄une santika pili d̄i iu b̄a dou siwe ma ne'e nggana.

Haba Mataho ma ramai ta Ruma Hatalla ede musti d̄i kambou wa'u d̄i samenana bangsa.

Mboto dou d̄imamai kai ngara Nahu ro nanggahi, ’Nahuku Sia!’ edempara tipuna mboto dou.

Nggomid̄oho aina kabare, b̄ara nggomid̄oho d̄i wa'u ra leto b̄a dou ro narandaku aka mahkama-mahkama. Nggomid̄oho d̄ib̄oe d̄i uma-uma sambea. Nggomid̄oho d̄iwa'a satando aka dou-dou mana'ekaina ro d̄i sangaji-sangaji b̄ara nggomid̄oho anamori Nahu. Ro edeku wakatuna d̄i ru'u b̄a nggomid̄oho d̄imbeikaimu sakasi mab̄oha Nahu d̄i siad̄oho.

B̄ara dou-dou mambei salama palasu ro nabi-nabi palasu d̄imamai. Siad̄oho nakarawiku lampa rawi maheba poda ro lampa rawi-lampa rawi mab̄isa ra guna d̄i tipukaina nggara loasi, ela Ruma Hatalla rau.

”Sawa'u b̄a jamana susa ra darura ede, liro d̄imarindi, ro wura watid̄u taroa walina. Ntara-ntara d̄imamab̄u mai ese mai ta langi, ro makuasa ese langi d̄imandad̄i mbari mbura.