Popular Bible Verses from Mar. 2

Share

Ani iirari Yesu akiŋiset ŋin, tema, “Nyiitanito ŋituŋa ŋulu eŋaleete emuron, nai ŋulu edyakasi. Nyabunit ayoŋ anyarare ŋulu iyookino, nai ŋikasecak”.

Ani eyenuni Yesu anupit kec, tolimok ekadyakan tema, “Lokoku, esyoni ŋasecisya kon.”

Tolimok nabo Yesu ikes tema, “Asubunio Sabato aŋuna a ituŋanan, meere ituŋanan aŋuna a Sabato.

Nyepedosi ikes adolyo iŋes neni keŋ, aŋuna amamukar neni kitoro. Todokasi kidiama akai, toketasi alowae a ŋolo ayai Yesu, kiyooliyosi nai iŋes tooma.

Nai acamit ayoŋ iyes toyenut atemar eyakar Lokoku a Ituŋanan apedor ŋinakisyoniyet ŋasecisya anakwap.” Tosodi tolimok ekadyakan ŋol tema, “Akalimokini ayoŋ iyoŋ atemar, tonyou, tolema akonidaket, tolot lore!”

Nyo epatana, atemar neni ke ekaŋwalan, ‘Esyoni ŋakonisecisya’, kori atemar, ‘Tonyou, tolema akonidaket, tolot?’

Tonyou nai iŋes atipei, tolema adaket keŋ iteete ŋituŋa daadaŋ. Toumokis ŋituŋa ŋakiro ŋun nooi kipuro Akuj ebasi, “Okoe, nyeanyuna ŋinapei koloŋ ŋakiro nu!”