Popular Bible Verses from 1 Ŋikor. 6

Share

Nyiyenete iyes atemar erae ŋawat kus Akai ŋina ke Etau a ŋolo Asegan, a ŋolo eyai tooma kus, a ŋolo ikiinakinit Akuj iyes a? Nyiraakasi iyes ŋulu kus a ŋilopeyek, nai ŋulu ka Akuj. Anerae adau Akuj akigyel iyes a egyelit; aŋun nai, kisitiyata ŋawat kus aŋuna ka akitopolooritor Akuj.

Iyenete iyes kire atemar nyeruwor Apukan ka Akuj ŋina a ŋulu itiyaete aronis. Nyikimodikin! Ŋituŋa ŋulu itiyaete amalao kori ŋulu ilipete neni a ŋakujo a ŋace kori ŋikalomak kori ŋikilyok ŋulu iteperete ŋikilyok ŋuluce kori ŋikokolak, ŋirorokanotin, ŋikamerak, ŋulu esyomatar ŋuluce kori ŋikademanarak--emam ipei daŋ alokidiŋ ŋul ŋini eruwor Apukan ka Akuj ŋina keŋ.

Toŋero amalao. Nyetapito ŋasecisya ŋunace ŋuna itiyae ituŋanan akuwan keŋ, nai ituŋanan ŋini itiyae amalao, itiyae asecit nakuwan keŋ a ilope.

Etemari ice ebe, “Akacamakinitae ayoŋ akitiya ŋinibore daadaŋ.” Iyookino, nai nyejokak ŋiboro daadaŋ aneni kon. Apedori ayoŋ atemar akacamakinitae ayoŋ akitiya ŋinibore daadaŋ, nai nyacamuni ayoŋ idiobore ekepukat ayoŋ.

Abu Akuj kiteyaru Ekapolon anatwanare, ikiteyaruni daŋ iŋes iwon anatwanare aŋuna ka apedor keŋ.