Popular Bible Verses from OBUCHACHILO 35

Share

Namuboolela ari, “Nisie Nyasaye Owobunyali Bwosi, emulaka mbu, mwibulane nimwinjiha, lihangalio lirulemwo amahanga kandi amanji khandi abaruchi barule mwiwe. Ne eshialo shia ndahelesia Aburahamu nende Isaka ndalakhuhelesia iwe nende abolwibulolwo.”

Mana khurule khutsie Betseli kho mbu, ndumbashile Nyasaye eshimalilo shiemisango, Nyasaye wanunula isie mutsinyanga tsiomatinyu kanje, khandi niyaniinda buli habundu aha ndatsitsanga.”

Mana Nyasaye naboolela Yakobo ari, “Niwe Yakobo, nebutswa okhurula bulano shiolalangungwa mbu Yakobo tawe, habula olalangwa mbu, Isiraeli.”

Kho Yakobo naboolela abeinzuye nende boosi aba yali ninabo ari, “Murusie abanyasaye bakaasibwa nabandu, abamuli ninabo abo musukune, mwisiiye nimwifwala ebifwalo ebiyiakha.

Mana Nyasaye naboolela Yakobo ari, “Rula otsie Betseli, omenyeyo, ne unyumbashileyo eshimalilo shiemisango. Nisie Nyasaye owakhuloleshela, olwa wali niwilukhanga okhwibisa okhurula khumusiani wenywe Esau.”

Ne olwa Raeli yali nakwisinjia mwoyo nali hambi okhufwa, yakulikha omusianiwe oyo mbu, Benoni, nebutswa samwana yamukulikha mbu, Benjamini.