Popular Bible Verses from Izikiẹl 37

Share

Ọ ke rhoma ta kẹ vwẹ, Mraro kpahe ibeku nana, re wọ ta kẹ ayen, E ibeku eyaya, nyo ota rẹ Ọrovwohwo E nẹ Ọrovwohwo ta kẹ ibeku nana: Nighere mi che ru ẹnwẹn rọ da ro wẹ oma, ku wọ cha rhọ.

Ke me cha riẹn iriẹn nene uwe oma, uvwo kọ cha tanrhe vwẹ enu wẹ, ke me vwẹ ohọrọ rhurhu uwe, ki mi phi ẹnwẹn phihọ owẹ oma, ku wọ rhọ, ku wọ riẹn nẹ mẹvwẹ hẹ Ọrovwohwo.

Ọ da ta kẹ vwẹ, Ọmọ rẹ ohwo, ibeku nana sa rhọ? Me da kpahe, E Ọrovwohwo Ọghẹne, wẹ re riẹnreọ.

Obọ rẹ Ọrovwohwo da hẹ oma mẹ, ọ da vwẹ ovwẹ phia vwẹ Erhi rẹ Ọrovwohwo, vwẹ uherevie rẹ iyara na, rẹ ọ vọnre vẹ ibeku. Ọ da vwẹ ovwẹ ki ayen yariẹ, nighere ayen pha buebu vwẹ evun rẹ iyara na, e vwo no, ayen epha yaya gangan

Ọtiọye me da mraro kirobo ro ji vwe, re me vwọ mraro na, ki mi nyo edo, nighere, ituetu geo; ibeku na da rhe tan kugbe, ubeku vẹ ubeku rọye. Ri mi vwo nẹ na, iriẹn da tan vwẹ enu rẹ ayen, uvwo tan phihọ ayen nure, ohọrọ tan rhurhu ayen nure, ẹkẹvuọvo ẹnwẹn hẹ evun rẹ aye-en.