Popular Bible Verses from MALEKO 8

Share

Ko te tino e fia fakasao ne ia a tona ola mo ia ake eiloa, e se maua ne ia; ka ko te tino e fakamaumau ne ia a tona ola ona ko au, mo te tala 'lei, e maua ne ia.

E isi se aoga ki te tino manafai e maua ne ia te lalolagi katoa, kae tela la e maumau fua i ei a tona ola? E seai lele eiloa!

Ne kalaga atu Iesu ki te vaitino mo ona soko ke o'mai ki a ia, kae fai atu, “So se tino e manako o tautali mai ia au, e 'tau o se mafaufau ki a ia, kae amo tena sataulo ko tautali mai ei i a au.

E seai se mea e avatu ne se tino ke toe maua mai tona ola. Tela la, kafai ko te tino e taema i a au mo aku akoakoga i te kautama se talitonu mo te masei tenei, ka taema foki au te Tama a te Tagata manafai e vau au i te 'malu o toku Tamana mo agelu tapu.”

Kae ne fesili atu ki ona soko, “Kae pefea koutou? Se a te otou mau me ko oi au?” Ne tali mai Petelu, “A koe ko te Keliso.”