Popular Bible Verses from Matayo 21

Share

Ndookomu mukiwa na faro, mukiyomba ḍiḍeḍyonse, Muungu anaḍimuhendea.”

Yesu kawambukuya kawamba, “Hachi nyakumwambiani, mukiwa na faro na mukitsaawa na kajela iḍeyonse, ntamunaweza kuhenda dza haya yahendekeeyo kwa hu mutini t̯u, ela hat̯a mukiwambia hu murima huu, ‘Kuka wende ukagwe ḅaharini.’ Vinahendeka.

Hi t̯ut̯a iyokuwa usoni pfamodza na hiḍe iyokuwa nyuma, wenda na kuḅaa madzwi wakyamba, “E Mwana jwa D̯aud̯i napfegwe shad̯u! Jeje awee kudzani kwa sari ḍya Ḅwana kavodhyegwa! Hakika Ḅwana Muungu awee dzuu napfegwe shad̯u!”

Kawamba, “Vyoregwa kwamba, ‘Nyumba yangu inawa nyumba ya mayombo.’ Ela nywinywi muihendeza mpango ya wadhara!”

“Nenani na wantu wa Sayuni muwambe, ‘Nywinywi wantu wa Sayuni, T̯ayowani, huyu haju jwenu kakudzani. Jeje ni mumpowe muno. Kapfaa dzuu ya hare. Yani, kakudzani na hare na mwanawe.’ ”

Ndookomu Yesu kawauza kawamba, “Munamba ntamudzayasoma hat̯a aya matsoro yambiyeyo, ‘Hiḍi iwe ḍidzizijweḍyo ni wambaka, ndiḍyo ḍigaliyeḍyo iwe muhimu ḍya kumbakia. Hiḍi hiḍi ni dzambo ḍya mafara ḍihendejweḍyo ni Ḅwana. Naswi huona namuna ḍiivyo dzambo kuu.’ ”

Yesu kagija kunena kamba, “Ndookomu nichokunenani ni kwamba, mvoni za Uhaju wa Muungu munazipfokwa na zinapfegwa wantu wangine wadzeoweza kumuvyaiya Muungu matunda ya kiruhu.