Popular Bible Verses from Матфейица бицараб Рохалил хабар 19

Share

Гьезухъги валагьун, Гӏисаца абуна: – Гӏадамазда гьеб кӏоларо, амма Аллагь сундуего хӏалкӏолев вуго.

Гьелдаса хадур кӏиго рукӏунаро гьел, цого рукӏуна. Аллагьас цолъизабураб инсанас батӏалъизабизе бегьуларо.

Гӏисаца абуна: – Нужеца цӏаличӏебищ: Гӏалам Бижарас тӏоцере «рижана бихьинчиги чӏужугӏаданги»? Цинги гьес абуна: «Гьединлъидал эбел-эменги рехун тун, бихьинчи чӏела жиндирго чӏужуялде вуссун, ва гьел кӏиялго цолъун, цого лъугьина»

Гӏисаца абуна: – Риччанте лъимал дихъе рачӏине, гьезие квекӏен гьабуге. Гьединазейин Зобалазул Парччахӏлъи щун бугеб!

Цере рукӏарал чангиял тӏарамагъаде ккела, тӏарамагъада рукӏаразул чангиял цере ккела.

Дие гӏоло мина-рукъги, вацал-яцалги, эбел-эменги, лъимал-хъизанги, хур-ахги рехун таравщинав чиясе нусго нухалъ цӏикӏкӏун щвела ва абадияб гӏумру насиблъила.

Гӏисаца гьесда абуна: – Тӏубанго камиллъизе бокьани, дурго бугеб кинабго боцӏи-рикъзи биче ва мискин-пакъирасе садакъаде кье. Гьелъухъ дуе насиблъила зобалазул хазина. Цинги дихъе вачӏа, дида цадахъ вилълъине.

Гӏисаца гьесда абуна: – Лъикӏлъиялъул хӏакъалъулъ щай дуца дида гьикъулеб? Лъикӏав вуго цохӏо Аллагь. Абадияб рукъалъул бутӏа щвезе бокьани, Аллагьасул амруял тӏуразаре.

Гьале цоги нухалъ абулеб буго дица нужеда: рукӏкӏадул ролъиялъусан лъугьине вараниялъего бигьа букӏина Аллагьасул Парччахӏлъиялде ворчӏизе бечедав чиясеялдаса.

Дица нужеда абулеб буго: хъахӏбалъи хутӏун батӏияб гӏиллаялъе гӏоло чӏужуги йиччан тун, цогидай ячарав чи жиндирго йикӏарай чӏужуялда цеве мунагьалъукье ккола. Гьеб мунагьги зиналъун рикӏкӏуна.

Жиндирго муридазда Гӏисаца абуна: – Хӏакълъун абулеб буго дица нужеда: Зобалазул Парччахӏлъиялде ворчӏизе цӏакъ захӏмалъула бечедав чиясе.