Popular Bible Verses from Матта 18

Share

Фицики кьюр вая шубур кас Йиз ччвурнахъ уч гъашиш, дурарин арайиъ Узу хьидиза.

Гьацира дугъриди кӀуразачвузки, эгер жилиин учвкан кьюри сатӀиди фукӀа тӀалаб гъапӀиш, Аьршарин Йиз Адашди думу тамам апӀиди.

Исайи, сар бицӀириз дих дапӀну, думу дурарин кьялаъ дерккну, кӀуру: – Гьякь кӀуразачвуз, учву ичв юкӀвар дигиш дапӀну, бицӀи баярси дархьиш, Аьршарин Паччагьлугъдиъ учӀвидарчва

гьаци вуйиган, фуж гьаму бицӀи байси мютӀюгъ гъахьиш, гьадму Аьршарин Паччагьлугъдиъ аьхюрра ву.

Ва шли Узу бадали сар гьамцир бицӀир кьабул гъапӀиш, дугъу Узу кьабул апӀура

Дюзди кӀуразачвуз: учву жилариин фу гъадагъа гъапиш, аьршариинра гьадму гъадагъа дапӀну хьибди; ва учву жилариин фтиз ихтияр тувиш, аьршариинра гьаддиз ихтияр тувну хьибди.

Гьамци Аьршарин Йиз Адашдира, учвкан гьарури чан гунгьар кайи гъардшилан кӀваантӀан хил алдадабгъиш, учвузра гьаци апӀиди.

хъа шли Узухъ хъугънайи гьаму зяифдарикан саркьан рякъʼан адаиш, дугъаз, чан гардандиъ рягънин ахал ипну, гьюлизди гатӀахьуб ужу шлийи.

Фици фикир апӀурачва? Варж марчч сивариъ айи кас, дурарикан саб гъудубгиш, урчӀвцӀурна урчӀвуб гъитну, гъудубгу сабдихъ лицуз дурушди гъузрин?