Popular Bible Verses from ROMMITE 12

Share

Tualeh hih leitung dan bangin om kei unla, hinanleh Pasian deihlam hoih leh pomtak leh hoihbukim bang ahia chih na theihchian theihna ding un na lungsim uh athak a om in hung lamdang jawta un.

Tuajiakin unaute aw, Pasian kiang a na pumpi uh kithoihna hing leh, siangthou leh, Pasian pomta`k ding a kilan dingin Pasian zahngaihna jiakin kung ngen hi, huapen na biakna dan ding him uh ahi.

Kinepna lam ah kipak jingin, gimthuakna lam ah thuak teitei un, thumna lam ah kuhkal jing un.

Gitlouh zoh in omkenla, hoihna tawh gilou joujaw in.

Sanggam ki itna in khat leh khat ki lainat tuah chiat unla, ki zahbawl na lam ah kideihsak tuah chiat un.

Itna ahihleh lepchiahna panglou in hi hen, gitlouhna mawng mawng hua unla, hoihna jousiah tu tinten un.

Ahihtheih liaileh natung a ki-nga zah zah ah ki-nga in, mijousiah tawh kilem in om in.

Deihtakte, phuba kilatuah kei un, hinanleh hehna Pasian awnjaw un, ajiak hichibang a gelh ahi, “Phulak him him keimah a ahi, keiman kathuk na ding, Toupa`n achi hi.”

Taimak lam ah thadah kei unla, khalam ah phattuam ngai un, Pasian nna sem un.

Ajiak pen ka kiang a hung kipia hehpihna jiakin, nalak ua mi kuamah in a kiletsak ding hun val a kiliansaklou in, hinanleh Pasian in michih kiang a ginna apiak hun bang jel a diktak a ngaihtuah jaw dingin kachi ahi.

Kua gitlouh gitlouh in thuk kei un, mijousiah mitmuh ah sil kilawm bawl ding sawm un.

Khat leh khat ngaihtuah kibang in om un. Kingaihtuah sang talua kenla, mineu nou noute tawh kipawl jaw un, kipilsak kei un.

Tuajiakin, “Na melma agil akial leh nek ding pia in, adang atak leh dawnding pia in, ajiak tuachibang a nabawl leh alutung ah mei-am na sekhawm ahi ding hi.”

Ahung gawtte gualjawl unla, gual jawl un, hamsiat kei un. Kipakte kipahpih unla, kapte kahpih un.

Misiangthoute taksap awng hu unla, jindou nasiam un.

Pumpi khat ah hiang tampi inei ua, tualeh hiang jousiah nasep a kibaklouh mah bang in. Eite tampi hinanlei zong Krist ah pumpi khat ihi a, khat leh khat iki hiangtuah chiat uhi.