Popular Bible Verses from Matiu 27

Share

Kerfi asa be jemanɛ na nɛ Yesu boŋ to awɔrso m bishi Ebɔrɛ le: “Elai, Elai, lama sabaktani?” Kumo be kifito e la fanɛ: “Ma Ebɔrɛ, ma Ebɔrɛ, manɛ e ba nɛ fo yige ma?”

Ndoŋ nna nɛ bɔrɛlambu na to be patisa na yili kumo be esoso n chaŋɛ to m ba kaseto. Nɛ kasawule gbuŋgbuŋ to nɛ afalta baŋɛ m baŋɛ to. Nchaŋana malɛ gba daŋ bugi to nna nɛ Ebɔrɛ tiŋi basa cheembiana na be bedamta ashi bumo be eluwu na to.

Ndoŋ nna nɛ Yesu naŋ boŋ to awɔrso nseŋ fute mbe lalaloge be efute.

Benapo be enimu nɛ basa nɛ b daa yil ndoŋ a de Yesu so na ka wu kananɛ kasawule na gbuŋgbuŋ to nɛ asɔ nɛ a daŋ wora na kikɛ nɛ kufu pɛ bumo nɛ b kaŋɛ le: “Kashenteŋto, kanyɛn ere daa la Ebɔrɛ Pibinyɛn nna!”

Ta a ba kapaso, kerfi kuduanyɔ nɛ tentembiri ba buu efuli na kikɛ so m biri to loŋ hale n ya fo kaaseso kerfi asa.

Ndoŋ nna nɛ Pailat bishi bumo le: “To, nɛ nuso nɛ meeŋ wora Yesu nɛ baa tre Kristo na?” Nɛ bumo kikɛ kaŋɛ: “Gbir mo m mata kedibi largato so.” Nɛ e bishi bumo: “Manɛ nna? Manɛ be kulubi nɛ e wora?” Ama b lɔŋɛ m ponte awɔrso ga a chɔ sososo na ŋ kaŋɛ: “Gbir mo m mata kedibi largato so.”