Popular Bible Verses from Matiu 12

Share

Ma e kaŋɛ menyi na fanɛ demujiachɛ na ekama beeŋ kute kesariaso be kamalga jiga kama nɛ e malga be kifito. Ŋkpal manɛ so, esa be mmalga so nɛ baaŋ ba yili n ji amodoŋwura demu. Mmalga na e naaŋ ba shin nɛ fo ji n lar ŋko n tɔr ntaŋ.”

Basa lubi fanɛ awɔ ere! Nuso nɛ menyeeŋ tiŋ a la basa lubi le nsaa tiŋ a malga asɔ lela be asheŋ? Men maŋ nyi fanɛ asɔ nɛ a bɔlɔ nyiŋgbasa be kagbene to e naa lar mbe kɔnɔ to a?

Esa lela bee kaa shin nɛ asɔ lela damta nɛ a wɔ mo to na nna bee shi mo to a lar nɛ esa lubi malɛ bee kaa shin nɛ asɔ lubi damta nɛ a wɔ mo to na bee kaa shi mo to a lar.

Amoso, mee kaŋɛ menyi le nna fanɛ basa be kulubi kama nɛ kamalga kama nɛ k gbiti Ebɔrɛ beeŋ nya keyigempaŋ, ama kamalga kama nɛ k gbiti Kiyoyu Cheeŋ na maaŋ nya keyigempaŋ kikɛ.

“Nɛ fo baŋ shuli fanɛ kedibi walɛ, kumo ere kumo be asɔrso gba walɛ, ama nɛ fo baŋ shuli fanɛ kedibi maŋ walɛ, kumo ere kumo be asɔrso gba maŋ walɛ, ŋkpal manɛ so, kedibi kama be asɔrso nɛ baa ta a pin kumo.