Mateo 23 ਤੋਂ ਪ੍ਰਸਿੱਧ ਬਾਈਬਲ ਆਇਤਾਂ

*Ti nkexro a̱ntsí tjetoan mé chrókꞌóna éxi ti nkexro chꞌehe ixra̱ íso chojni.

*Ti nkexro tjenka̱yáxin kixin imá tjetoan la tso̱ntsí. A̱ndá ti nkexro nchenkehya la a̱ntsí tsotjetoan.

*’Nóara jahara maestro tjákora ley la ko jahara fariseo. Jahara nkojinxónhña tjénka̱yáxinra. Chje̱héra Díos ijnko ite parte kaín ti kaxro̱a̱n tsjiko ti nkehe inieni, ti menta, anís la ko comino. Kjánchó tahyara kuentá ti nkehe imá tjetoan kuènté ti ley; mé tíha la chrókjuénka̱yáxinra ndoá la ko chrókui̱konoéhéra kichuara la ko chrókuinkachónkira Díos. Tíhi la a̱ntsí tjetoan chrókjui̱nchexiteyára la ko kja̱xin chrókꞌuitjáñahñara ti íso nkehe.

’Nóara jahara maestro tjako ley la ko jahara fariseo. Nkojinxónhña tjénka̱yáxinra. Jahara la nchetjóára chritaón ti vaso la ko ti plato, a̱ndá ti nkaxehen la síkaón kjuache̱e la ko ti nkehe nduáhya.

Ndá chꞌin Jesús ndáchro: ―Jerusalén, Jerusalén, jahara tꞌoñára ti sin tjako itén Díos la chje̱héra ixro̱ ti sin ichrꞌán chꞌan ikui chrókjuínki̱tsara. Nchónhña vece tjínka̱oan chrókónkotséra la chrókꞌuayakohanra éxi ijnko kochíká tꞌayakohen ti xje̱en chrínkí ti ka̱ñe̱ñe̱e, mé xi̱kaha tjínka̱oan chrókꞌuayakohanra, kjánchó tjinkákonhñara.

Mé xi̱kaha jahara la tꞌikoni éxi chojni jína, a̱ndá nkojinxónhña tjénka̱yáxinra la ko tjénka̱yáxinra ti nkehe jínahñara.