Mateo 19 ਤੋਂ ਪ੍ਰਸਿੱਧ ਬਾਈਬਲ ਆਇਤਾਂ

Ndá komá chꞌin Jesús ti jehe sin la ndáchro chꞌan: ―Ti chojni ó la tsjachahya sinchexiteyá tíhi. Kjánchó Díos la jína sichꞌe kaín nkehe, kixin Díos la kohya nkehe ixra̱ ―ichro chꞌan.

Méxra̱ í jehya yaá sin. Náhí. Kꞌóna sin nkoko̱a chojni la Díos kjuajon kjuachaxin kixin kónkojié sin, la chrókꞌuíto̱ehya kícho sin ―ichro chꞌan.

*Ndá kjuáte̱he chꞌin Jesús, ndáchro: ―¿Á kjui̱nchekuáxinhñara ti xroon itén Díos ndáchro kixin ti nkexro kjuíchꞌéna kaín chojni siín chjasintajni ti xránkíxixín, la ti nkexro a mé “kjuíchꞌéna chꞌan chojnindoa la ko chojnichjin”? *La ko ndáchro xroon: “Ti chojnindoa la tsíto̱he itꞌé la ko ìñé la tsákja ti ichjién, la yóí sin tsꞌóna sin éxi nkoko̱a chojni.”

Ndá chꞌin Jesús ndáchro: ―Ti̱to̱héra tso̱chjina xjan ti itjén janhan la tꞌínkakuénhñara xjan kixin ti kjuachaxin kuènté nkaya nka̱jní la yóhe̱ éxi ti xjan i ―ichro chꞌan.

*A̱ndá itsjé ti sin imá tjetoan ijie, la ti ña̱o a la kanhñó tsꞌe̱to̱an sin. A̱ndá itsjé ti sin kanhñó tjetoan ijie la ti ña̱o a la imá tsꞌe̱to̱an sin.

La ko kaín ti nkexro kuíto̱he ndo̱e, la ko kícho o̱ itꞌé o̱ ìñé o̱ ichjién, xje̱en o̱ no̱nte̱e kixin chréhe̱ ti janhan, la a̱ntsí tsꞌáyéhe̱ sin la ko kja̱xin tsochónta sin ti kjuachón nkochríxín.

Ndá chꞌin Jesús ndáchro: ―Ti tjinkaoan chaxín jína si̱nchexiteyá la sátjia, nchekjia kaín ti nkehe chonta, la ncheki̱to̱nhén ti sin nóa. Ndá kaín ti nkehe tjete mé tsochonta nkaya nka̱jní. A̱ndá ti ó tsjixin, ndá tsjihá, la chréhé ti janhan ―ichro chꞌin Jesús.

Ndá chꞌin Jesús kjuáte̱he, ndáchro: ―¿Nkekuènté ndáchrua kixin janhan la jína? Jehó nkoko̱a nkexro mé jína, tíha mé Díos. A̱ndá ti tjinkaoan tsochonta ti kjuachón nkochríxín la titekaoan ti nkehe kꞌue̱to̱an Díos ―ichro chꞌin Jesús.

Ínaá ndáxrja̱n kixin a̱ntsí xra̱hya chrókꞌuatsínka ijnko kokamello ti tjexrja ijnko ntachika, ke ijnko nkexro chónta itsjé nkehe chrókꞌuixehen ti itjen Díos tꞌe̱to̱an.

*Méxra̱ ndáxrja̱n kixin ti nkojín nkexro tsjáke̱he̱ ti ichjién kjónté kjuasinhña tjan ijie̱, chóntahya tjan íjnko chojnindoa, la ti nkexro la tjasin ijie̱. La ko kja̱xin ti ijnko nkexro tsákja ijnko chojnichjin tsíkítsinkehe la kja̱xin ijie̱ tíha.

Ndá chꞌin Jesús chenka chꞌan ti sin kꞌuájiko chꞌan, ndáchro chꞌan: ―Chaxín ndáxrja̱n kixin ti chojni chónta itsjé nkehe tjete la imá ixra̱ tsꞌixehen ti tꞌe̱to̱axín Díos itjen nkaya nka̱jní.