Popular Bible Verses from मीका 4

Share

जम्मो जातिमन अपन-अपन देवतामन के नांव लेके चलंय त चलंय, पर हमन सदा-सर्वदा यहोवा अपन परमेसर के नांव लेके चलबो।

बहुंत जाति के मनखेमन आके कहिहीं, “आवव, हमन यहोवा के पहाड़ ऊपर, याकूब के परमेसर के मंदिर म चलन। ओह हमन ला अपन नियम-कानून सिखोही, ताकि हमन ओकर रसता म चलन।” कानून ह सियोन ले, यहोवा के बचन ह यरूसलेम ले निकलही।

आखिरी के दिनमन म, यहोवा के मंदिर के पहाड़ ह सबले ऊंच पहाड़ के रूप म स्थापित करे जाही; येला जम्मो पहाड़ीमन ले ऊंचहा करे जाही, अऊ मनखेमन पानी के धारा सहीं येकर करा आहीं।

ओह बहुंते मनखेमन के नियाय करही अऊ दूरिहा तक फईले ताकतवर जातिमन के झगरा के निपटारा करही। ओमन अपन तलवारमन ला पीट-पीटके नांगर के फाल अऊ अपन बरछीमन ला हंसिया बना डारहीं। एक जाति ह आने जाति के बिरूध लड़ई नइं करही, अऊ न ही ओमन फेर लड़ई करे के सिकछा दीहीं।