Popular Bible Verses from 1 Aba Kolinti 3

Share

Nkimba mutazimenye ukuti amwe mwe Nyumba iya Chala, sona nukuti u Muzimu uwa Chala akwikala mumwinyu?

Pakuti u Chala amubikite kale u Yesu Kilisitu pakuba lwalo loka mpela, sona lutalipo ulwalo ulunji lulo lungaliwa.

Polelo yuyo akabyala, sona na yuyo akasembelela amizi ate ni mbombo, loli u Chala mwene, yuyo akumezya, weyuyo ali ni mbombo.

Pakuti aswe tukubombela poka imbombo iya Chala, amwe mwe mughunda uwa Chala, sona mwe Nyumba iya Chala.

imbombo izya muntu wesi zikwiza pakubonekela bulo pabuzelu, bo isiku ilya Kilisitu likwiza pakuzilanjizya pabuzelu. Pakuti pisiku lilalila umoto ghukwiza pakuzivumbula imbombo izya muntu wesi. Po umoto ghulaghula ghukwiza pakuziyela imbombo izya muntu wesi.

Po yuyo akubyala, sona na yuyo akusembelela amizi bayanite bulo, pakuti u Chala akwiza pakumupa umuntu wesi umuvwalo ukuyana ni mbombo zyache.

Mutakizimbulaye mwebene. Nanti yumo akwipima mwene ukuti wamahala ukuyana na mahala agha muchisu ichapasi, umwene muleke abanje muntu umupunganu, umwakuti abanje muntu wamahala naloli.