Popular Bible Verses from Marcos 11

Share

Romariꞌ, nibꞌij chiwa: Nojel ri ndikꞌutuj pa oración, tikuqubꞌaꞌ ikꞌuꞌx chi kin achel xyoꞌox yan ta pe chiwa, y kin ndiyoꞌox wi pe chiwa.

Kin qetzij nibꞌij chiwa chi xa achike na jun ri ndibꞌiꞌin kereꞌ chare re juyuꞌ reꞌ: Katel e chireꞌ y taꞌatorij awiꞌ pa mar, si ma kakaꞌ ta rukꞌuꞌx ndubꞌij keriꞌ, y xa kin kuqul rukꞌuꞌx chi ndibꞌanatej ri ndubꞌij, kin ndibꞌanatej wi.

Y atoq rix ndibꞌen orar, tikuyuꞌ si kꞌo jun achike pa iwánima chirij jun chik, chin keriꞌ ri Itataꞌ Dios kꞌo chikaj ndukuy ri imak rix.

Pero ri Jesús xubꞌij chake: Tikuqubꞌaꞌ ikꞌuꞌx rikꞌin ri Dios.

Ngerutijoj ri wineq y kereꞌ ndubꞌij chake: Chupan ri rutzij ri Dios tzꞌibꞌan kan ndubꞌij: Ri wachoch kin xtibꞌix chare achoch chin ndikibꞌen orar jalajaj kiwech wineq chin ri rochꞌulew. Keriꞌ tzꞌibꞌan kan. Pero rix xa kikꞌojlibꞌel eleqꞌomaꞌ ibꞌanun chare, xchajeꞌ.

Y ri wineq ebꞌaneq chuwech y chirij kan ri Jesús ngesikꞌiyaj chubꞌixik: ¡Nim ruqꞌij re Kolonel reꞌ! ¡Kin nimalej favor kꞌo pa ruwiꞌ re pataneq pa rubꞌiꞌ ri Ajaw Dios!

¡Kin nimalej favor kꞌo pa ruwiꞌ ru-reino re jun riy-rumam kan ri rey David ri ndurubꞌanaꞌ reinar pa qawiꞌ! ¡Nim ruqꞌij ri Dios chikaj!