Popular Bible Verses from John 4

Share

God ilitqusiuruq, aasii tamatkua aŋaiyyuruat ilaanun aŋaiyyuruksraupiaqtut ilitqutchikun iḷumun ittuakkullu.

Piviksraq qaiḷiqtuq paŋmapaglu itaniktuq, iḷumutun aŋaiyyurit aŋaiyyuviginiaġmarruŋ Aapa, qaałhiñakun piraġausiŋiḷaatigun, aglaan ilitqutchikun iḷumun ittuakullu. Qanuq tainna piruanun God aŋaiyyuvigitquruq.

aglaan kiñapayaaq imiqtuaq imiġmiñ aitchuutiginiakkamniñ imiġulitqigñiaŋitchuq. Imiq aitchuutiginiakkaġa ilaanun, nivviatun imaiḷaitchuatun inniaqtuq iḷuani iñuupkaġlugu isuitchuamun.

Jesus kiuŋagaa, Iḷisimaŋagupku suutilaaŋa aitchuutaa God-im, suli kiutilaaŋa qasiḷiruaq iliŋniñ imiksritquvluni, tavra qasiḷiqqaaġumiñaŋagaluaqtutin ilaanun aasii aitchuġumiñaŋagaluaġaatin iñuunaqtuamik imiġmik.

Jesus uqallautiŋagai, Niqigauvva kamagilugu pisuutaa tilisiruam uvamnik, suli naatchiḷuŋa savaaŋanik.

Aġnam uqallautiŋagaa, Aŋuun, imiqtautiksraitchutin, nivviam imġa atchiksuq. Sumiñ piyumiñaqpiuŋ taamna iñuunaqtuaq imiq?

Aġnaq uqallaŋaruq ilaanun, Iḷisimaruŋa Messiah taggisiqaqtuaq Christ-mik qaiyumaaqtuq. Aasii qaigumi quliaqtuaġutiniaġaatigut supayaanik. Tavra Jesus kiuŋagaa, Uvaŋa uqaqtuaŋaa iliŋnun ilaaguruŋa.

Qaiḷusi tautugiaqsiuŋ iñuk uqaurriga supayaanik piŋaramnik. Christ-guŋitkaluaqpa?