Rom 4 ਤੋਂ ਪ੍ਰਸਿੱਧ ਬਾਈਬਲ ਆਇਤਾਂ

ਸਾਂਝਾ ਕਰੋ

Avui Wasilaka mashi oson angop or mbahandari osik, Abraham mashi oson er or hishihi mbeek wavu frijip frijip hishiri ambu ri, wahau. Mashi oson er or toltambanaha hi Avui Wasilakahin hauoweri ri. Angop or heyeri sir, Avui Wasilaka mbele mbele ol or ukmbaha nor mbahandari ondon avak or ukwa lir.

Jekamba Avui Wasilakahik mashi las karem li kayeri sir, “Avui Wasilaka Abrahamin or mbar, “Kumak jinirmbanira mihi avak musha mendek nakwa lir.” Ushirik Abraham mashi os or mbari oson or misihi nor mbar, “Mashi oso avak omek nakwa sira.” Mberem ushirik erem or mbar? Or angop or heyeri sir, Avui Wasilaka kwambu orhi wasilaka mende. Ma ol hahanda ondon or mbawak indik usahandahi lir. Uhu mbele mbele ter ni heyewa ambu ondo nga or mbawak talandahi lir. Uwosik os nimu heyenduwa, ma ol Abraham hom Avui Wasilakan hishiowewa ma ondo jirnimbanira indinga Abrahamhi lir. Uwosik mashi os mas Abrahamin armek or ukurik or mbahandari mashi oso lirik er nga nakwa sir.

Kavakava nihin or yoko ermbekurik Jisasin or halashirik nihi farniyik li jimandingormeri ri. Ushihi nor mbarik mawan or halaha nor usahari ri. Uhunda lerawu os Jisas lari nombo orok Avui Wasilaka nirin ma worna mak or ushakwa nir.

Avui Wasilaka Abraham jinirmbanira orhi musha mendek li nakurik or mbari sir. Hako Abraham oso si ralakurin or heye namber. Hako oro wolok or hishiri sir, mashi os Avui Wasilaka or mbahandari avak omendingak nakwa sir. Karem or hishiri sir.

Mashi os Avui Wasilaka hulaima nokopman armek or ukurik nor mbahanda oso lir mbeek lerawu las li lanak or hakwa ambu sir, wahau. Hako os orin li hishiowehe li mba, “Mashi orhi ome sira.” Karem li mba nahi, waprupshi orhin men yelndam lirin or hakwa sir. Hako waprupshi orhin lawen or haku? Judama ondo nom nembes, ma amber ol Abraham hom orin hishiowenda ma ondon or hakwa sir. Mberem ushiwak? Ma ondo Abraham jinirmbanira orhi lira.

Mashi os Devit mbari oso Avui Wasilakahi jekambak karem li kayeri sir, Os Avui Wasilaka kavakava jihin or laha ermbe nahi, warje mende nga ji rupshika. “Uhu os kavakava ol ji unda ondon indik or hishihi mbana ambu nahi, ji rupshika.”

Hako oro nombok nembes. Jekamba Avui Wasilakahik karem li kayeri sir, “Abraham mashi os Avui Wasilaka orin or saweri oson or hishiowehe nor mbar, “Mashi oso avak omek nakwa sir.” Karem or mbari osik, Avui Wasilaka orin ma worna mak or ushari ri.” Karem li kayeri sir.