Rom 10 ਤੋਂ ਪ੍ਰਸਿੱਧ ਬਾਈਬਲ ਆਇਤਾਂ

ਸਾਂਝਾ ਕਰੋ

Os kormbak ji sawehe ji mba, “Jisas Krais Wasilaka nihi ria. Orhi mak ni nanda nira.” Karem kormbak ji sawehe sunguwavu jihi nga ji mba, “Ome sira, Avui Wasilaka angop Jisasin or mbarik indiyok usahari ri.” Karem ji mba nahi, Avui Wasilaka jirin jivinakwa ri.

Ome sira, os sunguwavu nihik ni hishihi ni mba, “Jisas or harik Avui Wasilaka mbarik indik usahari ri.” Karem ni hishi nahi, Avui Wasilaka kavakava nihin or laha ermbehe nirin ma worna mak ushakwa ri. Uhu os karem kormbak ni sawehe ni mba, “Jisas Wasilaka anhi ria.” Karem ni mba nahi, Avui Wasilaka nirin jivinakwa ri.

Karem uwosik os nimu heyenduwa, Jisasin wavuk ewenda nombo karem nanda sir, mashin sawenda ma ondo mashin li sawewak ma li misihi li mba, “Mashi oso ome sira.” Karem li mbaha Jisasin wavu lihik ewenda lir.

Os mas jekamba orhik karem li kayehendari hom, “Ma ol orin nikishinak lirin or jivinaku, karem mbaha nikishiwa ma ondo os li nikishiwa hom erem or ukwa lir.” Judama nga Judama ambu ondo nga nakremkop or ukwa lir. Wasilaka nihi namtar nom Jisas oria. Os orin ni tlaha ni mba, “Anin mi jelyawa.” Karem ni mba nahi, os ni mbawa hom ukwa ri. Os jekamba orhik mas karem li kayehendari hom, “Ma ol tlaha mba, “Wasilaka anin mi jelyawa.” Karem mbawa ma ondon jivinakwa ri.”

Uhu mashin sawenda ma lal mberemhi nombok li ihi mashin li saweku, os ma lal lirin li mbashinak li ina ambu nahi? Wahau. Karem uwosik, mashi las jekamba Avui Wasilakahik karem li kayeri sir, “Ma ol Avui Wasilakahi mashin laha sawe inda ma ondo lerawu jivi indingan landa lira.”

Hako ma ol Jisasin wavu lihik ewenda ambu ondo mberemhi nombok orin li silihi li mba, “Nirin mi jivinawa.” Karem li mbaku? Wahau. Uhu mberemhi nombok Jisashi mashin li misiku, os ma lal yanga lihik li ihi mashi Jisashin li sawena ambu nahi? Wa mberem livai misiku? Wahau.

Hako nir Jisasin hishindiyanda ma nir angop ni heyenda sir, Wasilaka nihi Jisas Krais lo Moseshi ondo angop amber or tiyarakonda osik, lon tiyanda nombo angop orhik mendek nari sir. Karem uwosik os orin ni hishiowe nahi, Avui Wasilaka nirin ma worna mak or ushakwa nir.