<div class="version vid983 iso6393ded" data-vid="983" data-iso6393="ded">
 <div class="book bkMAT">
 <div class="chapter ch21" data-usfm="MAT.21">
 <div class="label">21</div><div class="p"> 1Yesu nga medacfora yeni Yerusareng mewegenema Betefage amabangec Oriwa tikiu tarec, imohai kensikema Yesungo medahora yohockang yofi dema sueyuruec, 2&#8220;Ngeri dindingac kemma guruama sing enarau tacde, imohai donggi mong bic meficgeecde. Ye medahagoc witickegec nande. Ngeri donggi imoc yungecyuruma nearu mehaec. 3Nga ngeri ifi anec ngic mongngo ngeremma kpesingemerude isoc ngeri yofi edebesera, &#8216;Kebungo yerigoc ua meudeac dede.&#8217; Ifi deec yeng donggi nonggomedac bic ngerigoc sueyuruude.&#8221;</div><div class="p"> 4Profete yoac mong yofi deec, imoc fora anudeac ifi fingerec.</div><div class="q"> 5&#8220;Ge Sionggac naroang yofi edebesena, &#8216;Henna, ngictauga hagende. Ye donggiu hade, ye donggi medahaac witiau tacde nga ye fakaya memaemeemea.&#8217;&#8221; (Dzekaria 9:9)</div><div class="m"> 6Nga medac yeri kemma Yesungo edeyuruec, ifi isoc anoc. 7Ifi amma donggi medahagoc meyuruma hama ngakpingira herea hesima donggi nonggomedac yereac witingirau tiameoc. Tiameec Yesungo imocac witiau tarec. 8Taru ngicngac habutoa nanggec, yeni ngakpingina hesima sinnu tiamegec nga goa yeni ic fawa icfunac herecgema sinnu tiamegec. 9Nga ngicngac habutoa kiwau kenggec nga ngadeau modacgec, yeneng kpacma yofi degec,</div><div class="q">&#8220;Ohec waec, Dawidiac kisicfunac, ohec. Ngic Kebuac kpacfu hade, ye kenehagoc. Wi kurumennu kpara dengeregec, ohec waec, hosanna.&#8221; (Mitiyegec 118:26)</div><div class="m"> 10Yesungo Yerusarennu enu taonggac ngicngac sasawa yeni kpidohoma kengha amma degec, &#8220;Imoc merac?&#8221; 11Ifi degec ngicngac habutoa yeneng edeyunugec, &#8220;Imoc Yesu, profetenoc Gariraia bangecfunac Nadzarete taonnunac.&#8221;</div><div class="p"> 12Anu Yesungo Anutuac womonggac oda manau emma ngicngac wiac emekpesi anggec, yeni imohacnac kporacyunuec. Ye ngic hiedzo emekpesi anggec, yeneac tebo heimeremma kebesac emegec, yeneac tatac ifingoc heimeremma 13yofi edeyunuec,</div><div class="q">&#8220;Yoac yofi oho ohoya fede, &#8216;Neac ama imoc nunumuama, kpara ifi kpacbesonga.&#8217; (Yesaia 56:7)</div><div class="m">Nga ngeneng ine imoc merenggec,</div><div class="q">hamangec ngic yeneac sufu sufuama ande.&#8221; (Yeremaia 7:11)</div><div class="p"> 14Anu womonggac odatoaac manau ngic kicpisic amma hanimangang yeneng yearu hagec yeng mengereyunuec. 15Ye faka kuhagoc ifi meec nga nambarac yeneng womong manau kpacma yofi degec, &#8220;Dawidiac bangeha, ohec, hosanna.&#8221; Kpacgec womong gareng enara nga mitiac negen negengngic yeneng imoc hemma herebu negemma 16Yesuaru kemma degec, &#8220;Yeni yoac dedaemoc, imoc negennec me?&#8221; Ifi degec yeng yofi deec, &#8220;Negenduae amma ngeni yoac yomocnoc osonegeng mi angandae gedang,</div><div class="q">&#8216;Ge nambarac kapia nga sabac namuu kecdae uayoac yemmena yeneng geac kpac kuneng heiwayong memigecde.&#8217;&#8221; (Mitiyegec 8:2)</div><div class="p"> 17Ifi dema wayunuma taong wama Betania amabangecfu kemma tofocnac ihai kefec.</div><div class="p"> 18Amma Yesungo asoac taonnu dzigene kemma hereaac homema 19sing tegiau kic fima fig ic mong henec. Hemma negenu foragoc isoc anu haniau kemma mariasac hemma ic yofi edeec, &#8220;Ic, gearunac fora monggoc mi fingeckecbeso.&#8221; Ifi deu fig ic imoc imohaingoc ururueec. 20Ururueu medacfora yeneng imoc hemma kpidohoma kpesimigec, &#8220;Fig ic imoc dafi bic yombong ururuede?&#8221; 21Ifi dema kpesimigec Yesungo yofi edeyunuec, &#8220;Foracngoc, ngeni negen negensingnginagoc kecma negengyohoc mi anggecdeu icfu faka medua, faka imoc naric megecde, imoc edengunuduae. Nga imocsac kpac, ngeni ifingoc tiki yomocac yofi naric degecde, &#8216;Tiki ge miacemema kondunnu ukuemema kemena.&#8217; Ngeni ifi edegec, ifinoc anude. 22Nga ngeni wiac monggac me monggac negensinggema nunumunginau kpesigecdeu ngeni imoc sasawa megecde.&#8221;</div><div class="p"> 23Yesungo ifi dema taonnu hama womonnu emma kpoukpou ua meu womong gareng enara nga yudangic enarafocngina, yeneng hama kpesimigec, &#8220;Ge noc kucfu ua yomoc menec amma merang uayoac imoc genec?&#8221; 24Ifi kpesimigec yeng yofi merengyemmeec, &#8220;Neng ngeni wiac monggac ifingoc kpesingemmeba ngeni turunga edenugecdeu ni uakibinaac hania imoc edengunubade. 25Yohanengo dokunadzic ua mekefec, imoc dahacnac, kurumennunac me ngicfunac?&#8221; Deu yeni yenaocngoc denegeng amma degec, &#8220;&#8216;Imoc kurumennunac.&#8217; ifi denideu yeng yofi kpesinemmeude, &#8216;Ifi negemma ngeni nocac ye mi negensinggegec?&#8217; 26Me &#8216;Imoc ngicfunac.&#8217; ifi denideu ngicngac sasawa yeni Yohaneac ye profete negendae, imocac debesonga yeneac kengecnunude.&#8221; 27Yeni ifi denegeng amma Yesu edegec, &#8220;Imoc mi negendimbe.&#8221; Ifi degec Yesungo yofi deec, &#8220;Ifi degec, ni ifingoc noc uayoacac kucfu ua mekecduae, imoc mi edengunubade.&#8221;</div><div class="p"> 28Negenggec, &#8220;Ngic mong ye medahora yohockang nga ye waracmedahaaru kemma edeec, &#8216;Medacna, ge yaguc waing uau kemma ua mebesena.&#8217; 29Ifi edeu medahango merenec, &#8216;Ni imoc waduae.&#8217; Ifi dema ine ngade ubea dzigeneu uau kenec. 30Nga manggac ye kemma ngademedaha, yeac ifingoc edeu ngademedahango deec, &#8216;Manggac, ni naric kembade.&#8217; Ifi dema kemma ihoc bahoc amma uau mong mi kenec.&#8221; 31Ngeni dafi negendae, &#8220;Medac yerearunac merang mamaac songo modacma uaya meec?&#8221; Ifi kpesiyemmeu degec, &#8220;Waracmedaha yeng.&#8221; degec Yesungo yofi edeyunuec, &#8220;Foracngoc, takesimeme ngic nga singtoangac yeneng waraingemmema Anutuac eucererennu enggecde. 32Yohanengo sing dindingac modacma ngenearu hau ngeni ine mi negensinggegec. Nga takesimeme ngic nga singtoangac yeneng ye negensinggegec. Ngeni ine imoc henggec amma sifu ubangina mi merenggec nga mi negensinggegec.&#8221;</div><div class="p"> 33Ni yoac mong heiba negenggec, &#8220;Ngic mong amabangehagoc ye waing ua mong homecma oda dzegeec. Dzegema waing tidzoc tidzohoac teng usuma gareng yeneac kicfifiac amaherec meec. Ifi meu wisickeu waing ua garenggegecdeac ngic meficyunuma yenigoc yoac dedzege anggec. Nga yengenaoc ine bangec hereau kenec. 34Kenu fora kpememe naso hau ye wanacngicfora sueyunuu uagareng yenearu waing fora megecdeac kenggec. 35Kenggec ua gareng yeneng ine minginaac wanacngicfora meyunuma mong kpema mong kpehomema mong hocngo heigec. 36Ifi anggec ua minginango wanacngic goa homac monggoc sueyunuu kenggec gareng yeneng faka imocngoc ayemmegec. 37Nga ngade ua minginango yofi negemma yengena medaha sueec, &#8216;Yeni medacnaac ewea sifu heigecde.&#8217; 38Ifi dema sueu kenu ua gareng yeneng medaha hemma yofi denegeng anggec, &#8216;Yeng kecma ua yomoc tiu enude, imocac ye kpehomema bangeha nga maridzominga sasawa meni nenang ambeso.&#8217; 39Ifi dema miacukugec oda ngadeau kemeu mema kpehomegec.</div><div class="p"> 40Nga ua minginago monggoc hama uagareng dafi ayemmeude?&#8221; 41Ifi deu degec, &#8220;Ua minginango hama uagareng mangana memanganeyunuma yunuhomema waing uaya imoc uagareng goa yeneac mariu faiude. Faiu yeneng imoc garenggema foranasou mingina fora migecde.&#8221; 42Ifi degec Yesungo yofi deec, &#8220;Mitikibiu yoac yofi oho ohoya fede,</div><div class="q">&#8216;Amameme ngic yeneng hoc mong mangana dema ukugec. Nga hoc imocngo amaac hoc wotung amma seria nanude. Kebu yengenaoc faka imoc meu ngicngo hensongo ammidimbe.&#8217; (Mitiyegec 118:22-23)</div><div class="m">Ngeni kibi imoc osonegeng mi angandae gedang. 43Imocac amma edengunuba negenggec, Anutungo eucerereng ngenearunac meickema areng mong yemmeude. Nga yeneng eucererenggac uaya mema foraya meficgegecde. 44Nga ngic mong ye hoc imocac witiau maude, ye sebia tegerude. Nga hoc imocngo yeac witiu makpema hedzameu kapuc kpeude.&#8221;</div><div class="p"> 45Anu Yesungo yoac heiec, imoc womong gareng enara nga farisaio yeneac deec, imoc bic negentegecgec. 46Yeni ifi negenggec nga habu yeneng yeac profete degecac yeni ine Yesu mendanggegecdeac kengecyunuu osima wagec.</div>
 </div>
 </div>
</div>

Yesu nga medacfora yeni Yerusareng mewegenema Betefage amabangec Oriwa tikiu tarec, imohai kensikema Yesungo medahora yohockang yofi dema sueyuruec, “Ngeri dindingac kemma guruama sing enarau tacde, imohai donggi mong bic meficgeecde. Ye medahagoc witickegec nande. Ngeri donggi imoc yungecyuruma nearu mehaec. Nga ngeri ifi anec ngic mongngo ngeremma kpesingemerude isoc ngeri yofi edebesera, ‘Kebungo yerigoc ua meudeac dede.’ Ifi deec yeng donggi nonggomedac bic ngerigoc sueyuruude.”
Profete yoac mong yofi deec, imoc fora anudeac ifi fingerec.
“Ge Sionggac naroang yofi edebesena, ‘Henna, ngictauga hagende. Ye donggiu hade, ye donggi medahaac witiau tacde nga ye fakaya memaemeemea.’”
Nga medac yeri kemma Yesungo edeyuruec, ifi isoc anoc. Ifi amma donggi medahagoc meyuruma hama ngakpingira herea hesima donggi nonggomedac yereac witingirau tiameoc. Tiameec Yesungo imocac witiau tarec. Taru ngicngac habutoa nanggec, yeni ngakpingina hesima sinnu tiamegec nga goa yeni ic fawa icfunac herecgema sinnu tiamegec. Nga ngicngac habutoa kiwau kenggec nga ngadeau modacgec, yeneng kpacma yofi degec,
“Ohec waec, Dawidiac kisicfunac, ohec. Ngic Kebuac kpacfu hade, ye kenehagoc. Wi kurumennu kpara dengeregec, ohec waec, hosanna.”
Yesungo Yerusarennu enu taonggac ngicngac sasawa yeni kpidohoma kengha amma degec, “Imoc merac?” Ifi degec ngicngac habutoa yeneng edeyunugec, “Imoc Yesu, profetenoc Gariraia bangecfunac Nadzarete taonnunac.”
Anu Yesungo Anutuac womonggac oda manau emma ngicngac wiac emekpesi anggec, yeni imohacnac kporacyunuec. Ye ngic hiedzo emekpesi anggec, yeneac tebo heimeremma kebesac emegec, yeneac tatac ifingoc heimeremma yofi edeyunuec,
“Yoac yofi oho ohoya fede, ‘Neac ama imoc nunumuama, kpara ifi kpacbesonga.’
Nga ngeneng ine imoc merenggec,
hamangec ngic yeneac sufu sufuama ande.”
Anu womonggac odatoaac manau ngic kicpisic amma hanimangang yeneng yearu hagec yeng mengereyunuec. Ye faka kuhagoc ifi meec nga nambarac yeneng womong manau kpacma yofi degec, “Dawidiac bangeha, ohec, hosanna.” Kpacgec womong gareng enara nga mitiac negen negengngic yeneng imoc hemma herebu negemma Yesuaru kemma degec, “Yeni yoac dedaemoc, imoc negennec me?” Ifi degec yeng yofi deec, “Negenduae amma ngeni yoac yomocnoc osonegeng mi angandae gedang,
‘Ge nambarac kapia nga sabac namuu kecdae uayoac yemmena yeneng geac kpac kuneng heiwayong memigecde.’”
Ifi dema wayunuma taong wama Betania amabangecfu kemma tofocnac ihai kefec.
Amma Yesungo asoac taonnu dzigene kemma hereaac homema sing tegiau kic fima fig ic mong henec. Hemma negenu foragoc isoc anu haniau kemma mariasac hemma ic yofi edeec, “Ic, gearunac fora monggoc mi fingeckecbeso.” Ifi deu fig ic imoc imohaingoc ururueec. Ururueu medacfora yeneng imoc hemma kpidohoma kpesimigec, “Fig ic imoc dafi bic yombong ururuede?” Ifi dema kpesimigec Yesungo yofi edeyunuec, “Foracngoc, ngeni negen negensingnginagoc kecma negengyohoc mi anggecdeu icfu faka medua, faka imoc naric megecde, imoc edengunuduae. Nga imocsac kpac, ngeni ifingoc tiki yomocac yofi naric degecde, ‘Tiki ge miacemema kondunnu ukuemema kemena.’ Ngeni ifi edegec, ifinoc anude. Nga ngeni wiac monggac me monggac negensinggema nunumunginau kpesigecdeu ngeni imoc sasawa megecde.”
Yesungo ifi dema taonnu hama womonnu emma kpoukpou ua meu womong gareng enara nga yudangic enarafocngina, yeneng hama kpesimigec, “Ge noc kucfu ua yomoc menec amma merang uayoac imoc genec?” Ifi kpesimigec yeng yofi merengyemmeec, “Neng ngeni wiac monggac ifingoc kpesingemmeba ngeni turunga edenugecdeu ni uakibinaac hania imoc edengunubade. Yohanengo dokunadzic ua mekefec, imoc dahacnac, kurumennunac me ngicfunac?” Deu yeni yenaocngoc denegeng amma degec, “‘Imoc kurumennunac.’ ifi denideu yeng yofi kpesinemmeude, ‘Ifi negemma ngeni nocac ye mi negensinggegec?’ Me ‘Imoc ngicfunac.’ ifi denideu ngicngac sasawa yeni Yohaneac ye profete negendae, imocac debesonga yeneac kengecnunude.” Yeni ifi denegeng amma Yesu edegec, “Imoc mi negendimbe.” Ifi degec Yesungo yofi deec, “Ifi degec, ni ifingoc noc uayoacac kucfu ua mekecduae, imoc mi edengunubade.”
Negenggec, “Ngic mong ye medahora yohockang nga ye waracmedahaaru kemma edeec, ‘Medacna, ge yaguc waing uau kemma ua mebesena.’ Ifi edeu medahango merenec, ‘Ni imoc waduae.’ Ifi dema ine ngade ubea dzigeneu uau kenec. Nga manggac ye kemma ngademedaha, yeac ifingoc edeu ngademedahango deec, ‘Manggac, ni naric kembade.’ Ifi dema kemma ihoc bahoc amma uau mong mi kenec.” Ngeni dafi negendae, “Medac yerearunac merang mamaac songo modacma uaya meec?” Ifi kpesiyemmeu degec, “Waracmedaha yeng.” degec Yesungo yofi edeyunuec, “Foracngoc, takesimeme ngic nga singtoangac yeneng waraingemmema Anutuac eucererennu enggecde. Yohanengo sing dindingac modacma ngenearu hau ngeni ine mi negensinggegec. Nga takesimeme ngic nga singtoangac yeneng ye negensinggegec. Ngeni ine imoc henggec amma sifu ubangina mi merenggec nga mi negensinggegec.”
Ni yoac mong heiba negenggec, “Ngic mong amabangehagoc ye waing ua mong homecma oda dzegeec. Dzegema waing tidzoc tidzohoac teng usuma gareng yeneac kicfifiac amaherec meec. Ifi meu wisickeu waing ua garenggegecdeac ngic meficyunuma yenigoc yoac dedzege anggec. Nga yengenaoc ine bangec hereau kenec. Kenu fora kpememe naso hau ye wanacngicfora sueyunuu uagareng yenearu waing fora megecdeac kenggec. Kenggec ua gareng yeneng ine minginaac wanacngicfora meyunuma mong kpema mong kpehomema mong hocngo heigec. Ifi anggec ua minginango wanacngic goa homac monggoc sueyunuu kenggec gareng yeneng faka imocngoc ayemmegec. Nga ngade ua minginango yofi negemma yengena medaha sueec, ‘Yeni medacnaac ewea sifu heigecde.’ Ifi dema sueu kenu ua gareng yeneng medaha hemma yofi denegeng anggec, ‘Yeng kecma ua yomoc tiu enude, imocac ye kpehomema bangeha nga maridzominga sasawa meni nenang ambeso.’ Ifi dema miacukugec oda ngadeau kemeu mema kpehomegec.
Nga ua minginago monggoc hama uagareng dafi ayemmeude?” Ifi deu degec, “Ua minginango hama uagareng mangana memanganeyunuma yunuhomema waing uaya imoc uagareng goa yeneac mariu faiude. Faiu yeneng imoc garenggema foranasou mingina fora migecde.” Ifi degec Yesungo yofi deec, “Mitikibiu yoac yofi oho ohoya fede,
‘Amameme ngic yeneng hoc mong mangana dema ukugec. Nga hoc imocngo amaac hoc wotung amma seria nanude. Kebu yengenaoc faka imoc meu ngicngo hensongo ammidimbe.’
Ngeni kibi imoc osonegeng mi angandae gedang. Imocac amma edengunuba negenggec, Anutungo eucerereng ngenearunac meickema areng mong yemmeude. Nga yeneng eucererenggac uaya mema foraya meficgegecde. Nga ngic mong ye hoc imocac witiau maude, ye sebia tegerude. Nga hoc imocngo yeac witiu makpema hedzameu kapuc kpeude.”
Anu Yesungo yoac heiec, imoc womong gareng enara nga farisaio yeneac deec, imoc bic negentegecgec. Yeni ifi negenggec nga habu yeneng yeac profete degecac yeni ine Yesu mendanggegecdeac kengecyunuu osima wagec.

ਸੁਣੋ Mataio 21