<div class="version vid3810 iso6393nbq" data-vid="3810" data-iso6393="nbq">
 <div class="book bkMAT">
 <div class="chapter ch28" data-usfm="MAT.28">
 <div class="label">28</div><div class="s">Yesus iluk akluk, mendek yagagi wene</div><div class="r">(Markus 16:1-11; Lukas 24:1-12; Yohanes 20:1-10)</div><div class="p"> 1It Yakuri samban okbaluk, hari minggu vaga hutun o yanggok at Maria Makdalena ogo, hwa ambi inis Maria ogo, iperen Yesus eyave bagagwarikmu wimu akoma inil bikhelasogom yiluk, wagagwa. 2Wagusigik, Ala yonggo lakbisa wandiga menda malaikat ambi mbogot vaga en wambu wagya lagagirik, helep sup larik ako sigilogo lakbaluk, andi vaga ao hora iri hegek, o wadok ombogat yagagi. 3Malaikat ako elese mudu o digavok ovagak ogagya, asum mudu yanggwi hak amumulip erogo bagya, ogagagi. 4Ogagyaim, it malogo welagagwa ako enalon en enowak wuruk-wuruk yugu dugwit, ap nggorak ovagak mondok wadokdek mbuvat yagagwa.</div><div class="p"> 5Eke, at malaikat akoen it akwa ako yugirigya dugwit, &#8220;Hit henalon habuk. Hiren ap Yesus yo vaga lobalogo bagao ako hinil haguluk, wagep andi, an nilup. 6Ovara, At eyave yoma dek. Aren yukhirigya laga ako wane-wane At iluk akluk mendek yagas. Henasin nggilik welaga avela hinil havovok yiluk, omanes. 7Bikha wagu dogomundik, &#8216;Yesus ako ap hambuluk lendagwima en iluk akluk, mendek iri lagarik, o Galilea endak ari lagarikmu, helasogom o,&#8217; yiluk, At ane welagwi menda ako yiluguluk yugerelales. An wene andiat yukheragiluk wagi o,&#8221; yiluk, yugeragagi.</div><div class="p"> 8Yugirigya lagagimu, it akwa ako wimu bikha nunggugu lagagwarik, wulu wakluk, enalon ogonopigi ovara, enendawi mondok sek umbutu dugwit, hupuk it Yesus ane welagwi menda ako yugera lagusim, 9yukdekma Yesus inim avuk agu lagagwarik, it yugirigya dugwit, &#8220;Narupwi wa,&#8221; yugirigya lagagimu, it akwa ako adema hondo yi wagu lagagwarik, isok ininggis vakbaluk, agayuk wutu dugwit inis siyabagagwa. 10Siyabagu lagagwama, Yesus en, &#8220;Henalon habuk. An o Galilea landiga atma, andoma naori neya lapwak yiluk, yugerelales o,&#8221; yiluk, yugeragagi.</div><div class="s">It malogo welagagwa akoen it ap imam-imam enasini yugera lagagwa wene</div><div class="p"> 11Yugirigya lagagimu, it akwa ako lagusim, it malogo welagagwa nin o kota akoma nunggugu lagagwarik, ogagya hagagwa ako ovok erogo it imam-imam enasini mbilinogo yugeragagwa. 12Yugurugu lagagwama, it ako ap enanggok inim wonggalagu lagagwarik, wene amburup mbabaluk, it ap enayegen werek suam watu lagagwa ako yoparip mbusi perak wisane erogo wogerelok, 13yugurugu dugwit, &#8220;&#8216;Nit o hup nogo yugu ninigik, it Yesus ane welagwi menda akoen wagu lagarwik, Yesus eyave wolok winggao o,&#8217; yiluk, andi adigat yugeregek nagu dogop. 14Eke, wene yi yagao ako at Gubernur aruk hunggu halok, anggin henovaga bigigu haoen, nit ninim wene yusogom.&#8221;</div><div class="p"> 15Yugurugu lagagwama, it enayegen werek akoen yoparip mbusi perak ako hidugu lagagwarik, it imam-imam enasini en yugeragagwa ako wane-wane-at yagan lagagwa. Eke, wene ako andi, ap Yakuri enamwa ovok mbiganggu lagagwama, yogak aoat yagalagwi.</div><div class="s">Yesus en Sek Wene yugeregek nagu dogopwak yiluk enovaga bogogi wene</div><div class="r">(Markus 16:14-18; Lukas 24:36-49; Yohanes 20:19-23; Lakbogogi Wene 1:6-8)</div><div class="p"> 16At Yesus ane welagwi menda eneyave 11 ako, o Galilea ndom ambi vaga dagaup Yesus en yugeragagi akoma-at unggu lagagwarik, werekma, 17Yesus inil hugu lagagwarik, agayuk wutu dugwit ovara, it ninen enendawi mberen dugwit, &#8220;At eyave yi ara, adik a,&#8221; yiluk, umbutugwa. 18Enendawi anderogo umbutusim, Yesus ako enadema ari wagya lagagirik, yugirigya dugwit, &#8220;Ala en mbogot vaga inim, wen vaga inim, An nandok dogogiluk, awene ovogat yuknogogi atma, 19hiren yi avakwa ndi avakwa ininis unggul adik-adik An nane wugu dogopwak yiluk, okbigik nagu dugwit, Nasin Ala inis vaga, Abut An ninis vaga, Ala Averiniki inis vaga, ima wombabugwis, 20yi wene ndi wene yukhirigya lagi ako wane-wane ogagu dogopwak yiluk, mamulirugwi, ogarit nagu dogones o. Eke, yogak yi hudien mbikit, hivis oklarup hudi vaga An hekbigigayogonbuk mondok-mondok hinimat dogosogon o,&#8221; yiluk, yugeragagi.</div>
 </div>
 </div>
</div>

It Yakuri samban okbaluk, hari minggu vaga hutun o yanggok at Maria Makdalena ogo, hwa ambi inis Maria ogo, iperen Yesus eyave bagagwarikmu wimu akoma inil bikhelasogom yiluk, wagagwa. Wagusigik, Ala yonggo lakbisa wandiga menda malaikat ambi mbogot vaga en wambu wagya lagagirik, helep sup larik ako sigilogo lakbaluk, andi vaga ao hora iri hegek, o wadok ombogat yagagi. Malaikat ako elese mudu o digavok ovagak ogagya, asum mudu yanggwi hak amumulip erogo bagya, ogagagi. Ogagyaim, it malogo welagagwa ako enalon en enowak wuruk-wuruk yugu dugwit, ap nggorak ovagak mondok wadokdek mbuvat yagagwa.
Eke, at malaikat akoen it akwa ako yugirigya dugwit, “Hit henalon habuk. Hiren ap Yesus yo vaga lobalogo bagao ako hinil haguluk, wagep andi, an nilup. Ovara, At eyave yoma dek. Aren yukhirigya laga ako wane-wane At iluk akluk mendek yagas. Henasin nggilik welaga avela hinil havovok yiluk, omanes. Bikha wagu dogomundik, ‘Yesus ako ap hambuluk lendagwima en iluk akluk, mendek iri lagarik, o Galilea endak ari lagarikmu, helasogom o,’ yiluk, At ane welagwi menda ako yiluguluk yugerelales. An wene andiat yukheragiluk wagi o,” yiluk, yugeragagi.
Yugirigya lagagimu, it akwa ako wimu bikha nunggugu lagagwarik, wulu wakluk, enalon ogonopigi ovara, enendawi mondok sek umbutu dugwit, hupuk it Yesus ane welagwi menda ako yugera lagusim, yukdekma Yesus inim avuk agu lagagwarik, it yugirigya dugwit, “Narupwi wa,” yugirigya lagagimu, it akwa ako adema hondo yi wagu lagagwarik, isok ininggis vakbaluk, agayuk wutu dugwit inis siyabagagwa. Siyabagu lagagwama, Yesus en, “Henalon habuk. An o Galilea landiga atma, andoma naori neya lapwak yiluk, yugerelales o,” yiluk, yugeragagi.

Yugirigya lagagimu, it akwa ako lagusim, it malogo welagagwa nin o kota akoma nunggugu lagagwarik, ogagya hagagwa ako ovok erogo it imam-imam enasini mbilinogo yugeragagwa. Yugurugu lagagwama, it ako ap enanggok inim wonggalagu lagagwarik, wene amburup mbabaluk, it ap enayegen werek suam watu lagagwa ako yoparip mbusi perak wisane erogo wogerelok, yugurugu dugwit, “‘Nit o hup nogo yugu ninigik, it Yesus ane welagwi menda akoen wagu lagarwik, Yesus eyave wolok winggao o,’ yiluk, andi adigat yugeregek nagu dogop. Eke, wene yi yagao ako at Gubernur aruk hunggu halok, anggin henovaga bigigu haoen, nit ninim wene yusogom.”
Yugurugu lagagwama, it enayegen werek akoen yoparip mbusi perak ako hidugu lagagwarik, it imam-imam enasini en yugeragagwa ako wane-wane-at yagan lagagwa. Eke, wene ako andi, ap Yakuri enamwa ovok mbiganggu lagagwama, yogak aoat yagalagwi.


At Yesus ane welagwi menda eneyave 11 ako, o Galilea ndom ambi vaga dagaup Yesus en yugeragagi akoma-at unggu lagagwarik, werekma, Yesus inil hugu lagagwarik, agayuk wutu dugwit ovara, it ninen enendawi mberen dugwit, “At eyave yi ara, adik a,” yiluk, umbutugwa. Enendawi anderogo umbutusim, Yesus ako enadema ari wagya lagagirik, yugirigya dugwit, “Ala en mbogot vaga inim, wen vaga inim, An nandok dogogiluk, awene ovogat yuknogogi atma, hiren yi avakwa ndi avakwa ininis unggul adik-adik An nane wugu dogopwak yiluk, okbigik nagu dugwit, Nasin Ala inis vaga, Abut An ninis vaga, Ala Averiniki inis vaga, ima wombabugwis, yi wene ndi wene yukhirigya lagi ako wane-wane ogagu dogopwak yiluk, mamulirugwi, ogarit nagu dogones o. Eke, yogak yi hudien mbikit, hivis oklarup hudi vaga An hekbigigayogonbuk mondok-mondok hinimat dogosogon o,” yiluk, yugeragagi.

ਸੁਣੋ Matius 28