<div class="version vid3215 iso6393esu" data-vid="3215" data-iso6393="esu">
   <div class="book bkREV">
      <div class="chapter ch15" data-usfm="REV.15">
         <div class="label">15</div><div class="s"><span class="heading">Moses&#8209;enkuk Penniighaghaankuk Ilagaatngak</span></div><div class="p"><span class="content">  </span><span class="verse v1" data-usfm="REV.15.1"><span class="label">1</span><span class="content">Taagken qilagami aliightuq sangwaa saghiighanapiglleghhii liisimakusighqaghput piyaghqamun. Taawa maaghraghvinlek yaqulget, tagitilghiit maaghraghvinlegneng seghleliilleghllagneng. Taakut seghleliilleghllaget taaqniitkeftii Kiyaghneghem sakraalleghllagan.</span></span></div><div class="p"><span class="verse v1" data-usfm="REV.15.1"><span class="content">  </span></span><span class="verse v2" data-usfm="REV.15.2"><span class="label">2</span><span class="content">Taagken esghaghaqa kelliisugnilnguq meghraakegtaq siqinwaaghestun, akumngalghii keneghmeng. Esghaghankallu kayaalqiikat teghikusalluugmeng, nangaghneghaneng, aatghanllu number&#8209;nganeng. Nekevghatnguftut saaghwaghni kelliim, harp&#8209;elightuulluteng Kiyaghneghem tuunegkiitneng ellngitnun. </span></span><span class="verse v3" data-usfm="REV.15.3"><span class="label">3</span><span class="content">Ilagaghaqeftut ilagaatanganeng Moses&#8209;em, (Kiyaghneghem qepghaghtenga), ilagaatanganengllu Penniighaghaam:</span></span></div><div class="q1"><span class="verse v3" data-usfm="REV.15.3"><span class="content">&#8220;Kaay, Ataneq Kiyaghneq Aghtughyaghqaghhaanghiteghllak,</span></span></div><div class="q2"><span class="verse v3" data-usfm="REV.15.3"><span class="content">qepghalleghten seghleghllaguut, allaaghlluwhaghllaguut!</span></span></div><div class="q1"><span class="verse v3" data-usfm="REV.15.3"><span class="content">Kaay, umiilgat nunam yugita,</span></span></div><div class="q2"><span class="verse v3" data-usfm="REV.15.3"><span class="content">elpek salleghten elqughutngaatlu ipanguutlu!</span></span></div><div class="q1"><span class="verse v3" data-usfm="REV.15.3"><span class="content">  </span></span><span class="verse v4" data-usfm="REV.15.4"><span class="label">4</span><span class="content">Ataneq, qamagtengngwaaghluteng yuget alikelleqaaten,</span></span></div><div class="q2"><span class="verse v4" data-usfm="REV.15.4"><span class="content">quulvaghlleqaatlu aatghen!</span></span></div><div class="q1"><span class="verse v4" data-usfm="REV.15.4"><span class="content">Ellnginaaguten agleghnalghii!</span></span></div><div class="q1"><span class="verse v4" data-usfm="REV.15.4"><span class="content">Qamagtengngwaaghluteng nunatat manigughyaghtughlleqaaten,</span></span></div><div class="q1"><span class="verse v4" data-usfm="REV.15.4"><span class="content">qayughllak liisimakegkangat nanqigtilleghten elqughutngalghiit!&#8221;</span></span></div><div class="s"><span class="heading">Kinguliit Maaghraghvinlek Seghleliilleghllaget</span></div><div class="p"><span class="verse v4" data-usfm="REV.15.4"><span class="content">  </span></span><span class="verse v5" data-usfm="REV.15.5"><span class="label">5</span><span class="content">Taam kingunganeng esghaghaqa qilagmi qelpeghtekangat Temple&#8209;a. (Agleghnalleghpigaaguq Na, ellngan yugita liisimakusiqaat Kiyaghneq tawanniluku.) </span></span><span class="verse v6" data-usfm="REV.15.6"><span class="label">6</span><span class="content">Taagken maaghraghvinlek yaqulget aanleghaatut Temple&#8209;meng kelqelluteng maaghraghvinlegneng seghleliilleghllagneng. Tamaghhaghmeng atkuyaaghulluteng qateghrakegtameng nighulghiimeng, sakimagmegteggun gold&#8209;meng tafsiluteng. </span></span><span class="verse v7" data-usfm="REV.15.7"><span class="label">7</span><span class="content">Taagken ataasim unguvalghiim estamaneng taakuneng, gold&#8209;meng sagneliqughii maaghraghvinlek yaqulget. Taakut sagneghet imighngaat sakraalleghllaaganeng Kiyaghneghem, kiyaghlleghhii quunperugllak kenlengunaan. </span></span><span class="verse v8" data-usfm="REV.15.8"><span class="label">8</span><span class="content">Temple&#8209;em ilunga agepsughqaagaa Kiyaghneghem nighughqellghanengllu, aghtughyaghqaanghillghanengllu. Kina alngunak iteghnaanghituq Temple&#8209;mun kenlanga maaghraghvinlek seghleliilleghllaget kenletghuutellghitnun, tagitkiit maaghraghvinlek yaqulget.</span></span></div>
      </div>
   </div>
</div>

Taagken qilagami aliightuq sangwaa saghiighanapiglleghhii liisimakusighqaghput piyaghqamun. Taawa maaghraghvinlek yaqulget, tagitilghiit maaghraghvinlegneng seghleliilleghllagneng. Taakut seghleliilleghllaget taaqniitkeftii Kiyaghneghem sakraalleghllagan.
Taagken esghaghaqa kelliisugnilnguq meghraakegtaq siqinwaaghestun, akumngalghii keneghmeng. Esghaghankallu kayaalqiikat teghikusalluugmeng, nangaghneghaneng, aatghanllu number‑nganeng. Nekevghatnguftut saaghwaghni kelliim, harp‑elightuulluteng Kiyaghneghem tuunegkiitneng ellngitnun. Ilagaghaqeftut ilagaatanganeng Moses‑em, (Kiyaghneghem qepghaghtenga), ilagaatanganengllu Penniighaghaam:
“Kaay, Ataneq Kiyaghneq Aghtughyaghqaghhaanghiteghllak,
qepghalleghten seghleghllaguut, allaaghlluwhaghllaguut!
Kaay, umiilgat nunam yugita,
elpek salleghten elqughutngaatlu ipanguutlu!
Ataneq, qamagtengngwaaghluteng yuget alikelleqaaten,
quulvaghlleqaatlu aatghen!
Ellnginaaguten agleghnalghii!
Qamagtengngwaaghluteng nunatat manigughyaghtughlleqaaten,
qayughllak liisimakegkangat nanqigtilleghten elqughutngalghiit!”

Taam kingunganeng esghaghaqa qilagmi qelpeghtekangat Temple‑a. (Agleghnalleghpigaaguq Na, ellngan yugita liisimakusiqaat Kiyaghneq tawanniluku.) Taagken maaghraghvinlek yaqulget aanleghaatut Temple‑meng kelqelluteng maaghraghvinlegneng seghleliilleghllagneng. Tamaghhaghmeng atkuyaaghulluteng qateghrakegtameng nighulghiimeng, sakimagmegteggun gold‑meng tafsiluteng. Taagken ataasim unguvalghiim estamaneng taakuneng, gold‑meng sagneliqughii maaghraghvinlek yaqulget. Taakut sagneghet imighngaat sakraalleghllaaganeng Kiyaghneghem, kiyaghlleghhii quunperugllak kenlengunaan. Temple‑em ilunga agepsughqaagaa Kiyaghneghem nighughqellghanengllu, aghtughyaghqaanghillghanengllu. Kina alngunak iteghnaanghituq Temple‑mun kenlanga maaghraghvinlek seghleliilleghllaget kenletghuutellghitnun, tagitkiit maaghraghvinlek yaqulget.

ਸੁਣੋ Revelation 15