<div class="version vid3215 iso6393esu" data-vid="3215" data-iso6393="esu">
 <div class="book bkMAT">
 <div class="chapter ch20" data-usfm="MAT.20">
 <div class="label">20</div><div class="s">Ungipaghaatkegkat Qepghaghtengi Piitesighaghvigem</div><div class="p"> 1Paninang Jesus&#8209;em pikii, &#8220;Ataneghpagullgha Qilagem yugtun ayuquq grapes&#8209;meng piitesighaghvilek. Unaanguluku aanluni tugulaasaghtuqaq qepghaghtekaghqameng piitesighaghvigminun. 2Aghneghmun tawavek itagnaqegkii akileghtughnaluki ataasikaghtaan denarius&#8209;meng, taagken qepghaghyaghtestekii. 3Nine&#8209;eklaagmi aaneqiglluni esghaqii yuget nekevghataaghullghiit sagpenateng akilpegaghvigmi. 4Enkaam pikii, &#8216;Elpesillu piitesighaghvimnun qepghaghyaghtek, akileghtughnaaghamsi qepghalleghpesistun&#8217;. 5Enkaangam qepghaghyaatkat. Taagken aghneghem qukaanillu, three&#8209;klaagmillu tawaten pilaataqaq. 6Iiwenllu five&#8209;eklaagnaqaqaa, akilpegaghvigmun pikaq, taawanguq paninang yugem ilangi nekevghataaghaqeftut. Aaptekii, &#8216;Sangafsi whaantaqetsi aghnelqusiq sagpenasi?&#8217; 7Kiimsiqaat, &#8216;Qayughllak kitum alngunak tugunghilkanginkut qepghaghtenguluta.&#8217; Enkaam pikii, &#8216;Naqam elpesillu qepghaghyaghtek piitesighaghvimnun&#8217;.</div><div class="p"> 8&#8220;Ighivgaghyagu piitesighaghvilgem pikaa qepghaghtet naasquutistengat, &#8216;Qepghaghtet tuqlughteghluki akileghtughteghqi kingulighneng sivulighnun.&#8217; 9Five&#8209;eklaagmi qepghaghyaatkat tagilaghaasameng akileghtuusangegkat denarius&#8209;kaghtaan. 10Enkaam sivuliit qepghaghtet akileghtuusangataghaghnaqniluteng pikaayalghiit, iwernga tagilaghaasalghiimeng ellngitlu akileghtuusangegkat denarius&#8209;kaghtaan. 11Akileghtuusangyameng qivraaghutkaat piitesighaghvigem yuga. 12Pikaat, &#8216;Kinguliiluki tugukaghten qepghaghtut ataasighhaghmun aflumun. Whangkuta ughleghiightukut puqlaghllagmi aghnelqusiq, iwernga akileghtughaten whangkutestun angkaan.&#8217; 13Iwernga yugem pikaa ataasiq, &#8216;Nagataghten, ilakumtaamni, puughhneghitamken. Itagnaqegkaqan qepghaghnaluten ataasimun denarius&#8209;mun. 14Enkaam tuguluku akileghtuusan aglaa. Akileghtughyuganka kinguliit yuget tugukanka akileghtuusaghpetun angkaan. 15Piyukellemtun manika atughyaghqaqaqa. Aqinaziin ighlegitutemneng?&#8217;&#8221;</div><div class="p"> 16Taagken Jesus&#8209;em pikii, &#8220;Enkaam tamaakut kinguliit sivuliighsaghqaagut, sivuliit kinguliighsaghqaagut.&#8221;</div><div class="s">Pingayiitkun Jesus&#8209;em Aapqanga Tuqulleghqani</div><div class="p"> 17Jesus&#8209;em Jerusalem&#8209;emun mayuutkelluku yulghutneng aafutkii qula maalghuk siipneqluku maligsaaghteni aleghqughnaaluki. 18Pikii, &#8220;Nagatek, Jerusalem&#8209;emun mayughnaqukut. Tawani Ighnegha Yugem tuunelleqaat chief priest&#8209;enunllu, apeghtughikayugnunllu Liilightuusaneng enkaam nanqiglluku tuqusaghqaanilleqaat. 19Taagken Gentile&#8209;enun tuunelleqaat. Tawani legasiighwaatkelleqaat, kagsagmiglleqaat, qaquuraghlleqaatlu. Iwernga pingayiitangani aghneghem unguvaghtesaghqaaguq.&#8221;</div><div class="s">Naam Tungsillgha</div><div class="p"> 20Taagken Zebedee&#8209;m ighneghegkenka naangak tagikaq Jesus&#8209;mun ighneghegni kelqellukek. Manungakun segesqughtekaq aapfiknaluku.</div><div class="p"> 21Jesus&#8209;em aaptekaa, &#8220;Sameng piighsin?&#8221; Aghnam kiimsiqaa, &#8220;Akeqinga Ataneghpagulleghpeni ighneghegka aqumesnakegken aallgha aghenqigneghpegun, ilanga saghumigneghpegun.&#8221;</div><div class="p"> 22Iwernga Jesus&#8209;em pikii, &#8220;Liigikenghitaghsi sangutanga tungsiqaghsi. Meghviknayaghestegneguu qayuusiq meghyaghqaqa?&#8221;</div><div class="p">Kiimsiqaak, &#8220;Piyaqleguukung.&#8221;</div><div class="p"> 23Jesus&#8209;em pikakek, &#8220;Qaywa qayuusimneng meghellequtek, iwernga whangangunghituq nakmiighyaghqaq kinkuk aqumyaghqaatkek aghenqignemkunllu saghumignemkunllu. Atama yataaghqegkaqaak taakuk aqumvigkak nakmikegkaminun.&#8221;</div><div class="p"> 24Taakut ilangita qula maligsaaghtet nagaqughyamegtekek samatkek anglegutkullghiik ugumiyagutkagket. 25Taagken Jesus&#8209;em tuqlughluki maligsaaghteni, pikii, &#8220;Liisimakasi Gentile&#8209;et igleghutistengita atanghutaqiit yuteng, aangwaaghughtekatlu yugita yukeghqutkaqiit. 26Iwernga elpesi tawatesaghqaanghitusi. Nalighsi igleghutistenguyukumi qepghaghtengughlli elpesinun. 27Nalighsi aangelleghpigaayukumi qepghaghtelaaghughsaghqaaguq elpesinun, 28katam tawaten Ighneghan Yugem pillghatun. Tagimangituq qepghaatesqelluni iwernga tagikaaguq qepghaatinaluni, tuunalukullu unguvalleni naveghqellisiqnaluku uglapiglleghhiinun yugnun.&#8221;</div><div class="s">Jesus&#8209;em Naallghuskek Ayaakak Yugek</div><div class="p"> 29Jesus&#8209;enkut maligsaaghtekullghiit Jericho&#8209;meng aghulaqumaluki yulghuteghllagem maligtekaat Jesus. 30Taawanguq tumet saningitni ayaakak yugek aqumlutek. Nagaqughyamegnegu Jesus naghughhniluku akilghuukak, &#8220;Ataneq, Ighneghani David&#8209;em, nangllegyagutaghtikung!&#8221;</div><div class="p"> 31Yulghutem ineghtekakek, nepiighesqellukek. Iwernga qevuutaghalluku wata akilghuukak, &#8220;Ataneq, Ighneghani David&#8209;em, nangllegyagutaghtikung!&#8221;</div><div class="p"> 32Enkaam Jesus&#8209;em aghuliighluni tuqlughlukek aaptekakek, &#8220;Sasqellutek piiqestek whangamnun?&#8221;</div><div class="p"> 33Kiimsiqaak, &#8220;Ataneq, iyepung esghaghtestaghtiki!&#8221;</div><div class="p"> 34Jesus&#8209;em nangllegyagullukek iiyngik saaftekii. Tawaninginaq esghaasagutkak enkaam maligtekaak.</div>
 </div>
 </div>
</div>

Paninang Jesus‑em pikii, “Ataneghpagullgha Qilagem yugtun ayuquq grapes‑meng piitesighaghvilek. Unaanguluku aanluni tugulaasaghtuqaq qepghaghtekaghqameng piitesighaghvigminun. Aghneghmun tawavek itagnaqegkii akileghtughnaluki ataasikaghtaan denarius‑meng, taagken qepghaghyaghtestekii. Nine‑eklaagmi aaneqiglluni esghaqii yuget nekevghataaghullghiit sagpenateng akilpegaghvigmi. Enkaam pikii, ‘Elpesillu piitesighaghvimnun qepghaghyaghtek, akileghtughnaaghamsi qepghalleghpesistun’. Enkaangam qepghaghyaatkat. Taagken aghneghem qukaanillu, three‑klaagmillu tawaten pilaataqaq. Iiwenllu five‑eklaagnaqaqaa, akilpegaghvigmun pikaq, taawanguq paninang yugem ilangi nekevghataaghaqeftut. Aaptekii, ‘Sangafsi whaantaqetsi aghnelqusiq sagpenasi?’ Kiimsiqaat, ‘Qayughllak kitum alngunak tugunghilkanginkut qepghaghtenguluta.’ Enkaam pikii, ‘Naqam elpesillu qepghaghyaghtek piitesighaghvimnun’.
“Ighivgaghyagu piitesighaghvilgem pikaa qepghaghtet naasquutistengat, ‘Qepghaghtet tuqlughteghluki akileghtughteghqi kingulighneng sivulighnun.’ Five‑eklaagmi qepghaghyaatkat tagilaghaasameng akileghtuusangegkat denarius‑kaghtaan. Enkaam sivuliit qepghaghtet akileghtuusangataghaghnaqniluteng pikaayalghiit, iwernga tagilaghaasalghiimeng ellngitlu akileghtuusangegkat denarius‑kaghtaan. Akileghtuusangyameng qivraaghutkaat piitesighaghvigem yuga. Pikaat, ‘Kinguliiluki tugukaghten qepghaghtut ataasighhaghmun aflumun. Whangkuta ughleghiightukut puqlaghllagmi aghnelqusiq, iwernga akileghtughaten whangkutestun angkaan.’ Iwernga yugem pikaa ataasiq, ‘Nagataghten, ilakumtaamni, puughhneghitamken. Itagnaqegkaqan qepghaghnaluten ataasimun denarius‑mun. Enkaam tuguluku akileghtuusan aglaa. Akileghtughyuganka kinguliit yuget tugukanka akileghtuusaghpetun angkaan. Piyukellemtun manika atughyaghqaqaqa. Aqinaziin ighlegitutemneng?’”
Taagken Jesus‑em pikii, “Enkaam tamaakut kinguliit sivuliighsaghqaagut, sivuliit kinguliighsaghqaagut.”

Jesus‑em Jerusalem‑emun mayuutkelluku yulghutneng aafutkii qula maalghuk siipneqluku maligsaaghteni aleghqughnaaluki. Pikii, “Nagatek, Jerusalem‑emun mayughnaqukut. Tawani Ighnegha Yugem tuunelleqaat chief priest‑enunllu, apeghtughikayugnunllu Liilightuusaneng enkaam nanqiglluku tuqusaghqaanilleqaat. Taagken Gentile‑enun tuunelleqaat. Tawani legasiighwaatkelleqaat, kagsagmiglleqaat, qaquuraghlleqaatlu. Iwernga pingayiitangani aghneghem unguvaghtesaghqaaguq.”

Taagken Zebedee‑m ighneghegkenka naangak tagikaq Jesus‑mun ighneghegni kelqellukek. Manungakun segesqughtekaq aapfiknaluku.
Jesus‑em aaptekaa, “Sameng piighsin?” Aghnam kiimsiqaa, “Akeqinga Ataneghpagulleghpeni ighneghegka aqumesnakegken aallgha aghenqigneghpegun, ilanga saghumigneghpegun.”
Iwernga Jesus‑em pikii, “Liigikenghitaghsi sangutanga tungsiqaghsi. Meghviknayaghestegneguu qayuusiq meghyaghqaqa?”
Kiimsiqaak, “Piyaqleguukung.”
Jesus‑em pikakek, “Qaywa qayuusimneng meghellequtek, iwernga whangangunghituq nakmiighyaghqaq kinkuk aqumyaghqaatkek aghenqignemkunllu saghumignemkunllu. Atama yataaghqegkaqaak taakuk aqumvigkak nakmikegkaminun.”
Taakut ilangita qula maligsaaghtet nagaqughyamegtekek samatkek anglegutkullghiik ugumiyagutkagket. Taagken Jesus‑em tuqlughluki maligsaaghteni, pikii, “Liisimakasi Gentile‑et igleghutistengita atanghutaqiit yuteng, aangwaaghughtekatlu yugita yukeghqutkaqiit. Iwernga elpesi tawatesaghqaanghitusi. Nalighsi igleghutistenguyukumi qepghaghtengughlli elpesinun. Nalighsi aangelleghpigaayukumi qepghaghtelaaghughsaghqaaguq elpesinun, katam tawaten Ighneghan Yugem pillghatun. Tagimangituq qepghaatesqelluni iwernga tagikaaguq qepghaatinaluni, tuunalukullu unguvalleni naveghqellisiqnaluku uglapiglleghhiinun yugnun.”

Jesus‑enkut maligsaaghtekullghiit Jericho‑meng aghulaqumaluki yulghuteghllagem maligtekaat Jesus. Taawanguq tumet saningitni ayaakak yugek aqumlutek. Nagaqughyamegnegu Jesus naghughhniluku akilghuukak, “Ataneq, Ighneghani David‑em, nangllegyagutaghtikung!”
Yulghutem ineghtekakek, nepiighesqellukek. Iwernga qevuutaghalluku wata akilghuukak, “Ataneq, Ighneghani David‑em, nangllegyagutaghtikung!”
Enkaam Jesus‑em aghuliighluni tuqlughlukek aaptekakek, “Sasqellutek piiqestek whangamnun?”
Kiimsiqaak, “Ataneq, iyepung esghaghtestaghtiki!”
Jesus‑em nangllegyagullukek iiyngik saaftekii. Tawaninginaq esghaasagutkak enkaam maligtekaak.

ਸੁਣੋ Matthew 20