<div class="version vid3215 iso6393esu" data-vid="3215" data-iso6393="esu">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s">Tuqullgha John&#8209;em Paaptaayestem</div><div class="p"> 1Tamaani pilleghmi Herod&#8209;em, igleghutistengan Galilee&#8209;m, nagaquqaa Jesus&#8209;em apeghseghuumallgha. 2Herod&#8209;em qepghaghteni pikii, &#8220;Ipa una John&#8209;nguuq Paaptaayesta, unguvaamaaq. Esghaghhuqun aghtughyaghqaanghillelek allaaghlluwhaghtilleghmun.&#8221;</div><div class="p"> 3-5Qavnganghhaq Herod&#8209;em tuqutestekaqegkanga John Paaptaayesta, qayughllak John&#8209;em ungipaatkaqegkanga, &#8220;Qaatkunneghituten Liilightuusamnnun tugulleghpegun Herodias, anglegutegpek nulighha.&#8221; (Herodias&#8209;em ugiksaqanga Philip, Herod&#8209;em uyughaa.) John&#8209;em ungipaatellgha apalluqluku Herod&#8209;em tugusqegkaa John, asighqelluku anusimingllaghvigmun kanaghtesqelluku. Herod&#8209;em tuqutesuguyaqanga John, naqam alikegkii Jews&#8209;et seghleliighqiinayukata qayughllak ugpeqeqkangat John uuknaliqestenguniluku.</div><div class="p"> 6Taagken Herod&#8209;em allgeghvigan aghneghani, Herodias&#8209;em paniga tukalegaqaq Herod&#8209;emllu aqelqatlu sivungitni. Elngaatall Herod efqughyugllakaq, 7repall akeqegkaa, &#8220;Ipapestaaq sameng alngunak tungsiquvek tuunelleqamken.&#8221;</div><div class="p"> 8Naami kayagtellghatun pikaa, &#8220;Whaa maaten tagivaghhu qayuutaghraagkun lliluku naasqwa John&#8209;em Paaptaayestem.&#8221;</div><div class="p"> 9Umiilek qivghukaq iwernga akeqikaatmineng aqelqami sivungitni piyukellgha kayagutkaa. 10Enkaam Herod&#8209;em anusimingllaghvigmi John&#8209;em naasqwa kepestekaa. 11Naasquq qayuutaghraagkun lliluku tuunegkaat aghnaghaghmun, enkaam naaminun aglaatkaa. 12John&#8209;em maligsaaghtengi tagiluteng yugusii lliveghyaghtuqaat. Taagken Jesus ungipaasaghtuqaat.</div><div class="s">Jesus&#8209;em Neghestillgha 5,000&#8209;neng Siipngalghiineng Yugneng</div><div class="p"> 13Jesus&#8209;em nagaqughyamigu ungipaq, angyamun uuglluni aghulaqegkaq paaghqillghanun ellnginaghhaanaluni. Iwernga yulghutet nagaqughyamegteggu nemeggneng maligtekaat piyugmeng. 14Jesus quutmun uuglluni esghaghluki yulghuteghllaget nangllegyaguteghllakii, enkaam naallghuquqii qinuyugtengit.</div><div class="p"> 15Whanikuyagu maligsaaghtengita takuluku pikaat, &#8220;Whanikwaa, maana paaghqituq; aglaghtuutesqiki nenun ellngitneng neqengesqelluki.&#8221;</div><div class="p"> 16Jesus&#8209;em pikii, &#8220;Maanllit. Elpesi neghyaghqaliteki.&#8221;</div><div class="p"> 17Pikaat, &#8220;Whaa legan tallimaggaagut neqekrangllat, iqalluggaaklu.&#8221;</div><div class="p"> 18Jesus&#8209;em pikii, &#8220;Tagiteki whavek.&#8221; 19Taagken yulghutet aqumuutesqegkii vegaaghqun. Tuguluki tallimat neqekrangllat, iqalluggaaklu, sivuglluni qilagmun Kiyaghneq iqamsiqayugvikegkaa. Iiggmineng aavgughluki neqekrangllat, maligsaaghteminun tuunegkii uyegtesqelluki yulghutnun. 20Qamaglluni neghuutkaq kepsuulluni. Taagken maligsaaghtet tugukiit qula maalghuk siipneqluku pasketet esleqngalghiit kagimleghitneng neqekrangllat siipneghet. 21Entaqun 5,000&#8209;nguut yuget neghuutkat, aghnatlu taghnughhaatlu kesutkegpenaki.</div><div class="s">Jesus Piyulghii Meghqun</div><div class="p"> 22Taagken Jesus&#8209;em maligsaaghteni kayagtekii angyakun aghviqestiisqelluki naayvam inglunganun, ellngan aglaghtuutesimaluki yulghuteghllaget. 23Yulghuteghllaget aglaghtuutesamiki ellnginaghmi naayghamun mayuqaq yughaghnaluni. Tawani ighivgaghmi Jesus ellnginaamaluku, 24angyat un&#42892;ga naayvami awavaghluteng, elngaatall imaghlliiqat qayughllak aygughnaghuskangi. 25Akulegkeni three&#8209;kellaagenkuk, six&#8209;eklaagenkuk unaanguluku Jesus&#8209;em takukii maligsaaghteni meghem qaayngakun piyugmeng. 26Maligsaaghtet esghaghluku meghqun piyulghii kakavniiqat. Enkaam akilghuukat, &#8220;Taghneghaaguq.&#8221;</div><div class="p"> 27Tawaninginaq Jesus&#8209;em pikii, &#8220;Alingegpenasi, Whanganguunga!&#8221;</div><div class="p"> 28Taagken Peter&#8209;em pikaa, &#8220;Ataneq, ipa elpengukuvek tagsighnga elpenun aglaghlanga meghem qaayngakun.&#8221;</div><div class="p"> 29Jesus&#8209;em pikaa, &#8220;Tagi.&#8221; Enkaam Peter ateghluni angyameng, meghem qaayngakun piyugmeng aglaqaq Jesus&#8209;mun. 30Iwernga anuqa elpeksamigu alingegkaq, kalevutkelluku akilghuukaq, &#8220;Ataneq, yugulinga!&#8221;</div><div class="p"> 31Tawaninginaq Jesus&#8209;em akuqaghluku pikaa, &#8220;Ugpeqilleghqestaapiguuten! Sangavek malghuklizin?&#8221;</div><div class="p"> 32Angyamun uugtaquklu ellmaaragtekaq. 33Enkaam angyamelnguut maniguqaat Jesus. Pikaat, &#8220;Ipapestaaq Kiyaghneghem Ighneqaaten!&#8221;</div><div class="s">Jesus&#8209;em Naallghuskangi Qinuyuget Gennesaret&#8209;mi</div><div class="p"> 34Taagken naayvaq aghvighluku tamlakat Gennesaret&#8209;kun. 35Tamaakumiit liisuqsamegteggu Jesus, ungipaasaghtiisqegkiit village&#8209;enilnguut qinuyugtiighit tagitesqelluki Jesus&#8209;mun. 36Maniguututkiit qinuyulghiit waran saaftesqelluku keniikun enkaam qamaglluteng tamaakut saaftilghiit naallghutellengegkat.</div>
 </div>
 </div>
</div>

Tamaani pilleghmi Herod‑em, igleghutistengan Galilee‑m, nagaquqaa Jesus‑em apeghseghuumallgha. Herod‑em qepghaghteni pikii, “Ipa una John‑nguuq Paaptaayesta, unguvaamaaq. Esghaghhuqun aghtughyaghqaanghillelek allaaghlluwhaghtilleghmun.”
Qavnganghhaq Herod‑em tuqutestekaqegkanga John Paaptaayesta, qayughllak John‑em ungipaatkaqegkanga, “Qaatkunneghituten Liilightuusamnnun tugulleghpegun Herodias, anglegutegpek nulighha.” (Herodias‑em ugiksaqanga Philip, Herod‑em uyughaa.) John‑em ungipaatellgha apalluqluku Herod‑em tugusqegkaa John, asighqelluku anusimingllaghvigmun kanaghtesqelluku. Herod‑em tuqutesuguyaqanga John, naqam alikegkii Jews‑et seghleliighqiinayukata qayughllak ugpeqeqkangat John uuknaliqestenguniluku.
Taagken Herod‑em allgeghvigan aghneghani, Herodias‑em paniga tukalegaqaq Herod‑emllu aqelqatlu sivungitni. Elngaatall Herod efqughyugllakaq, repall akeqegkaa, “Ipapestaaq sameng alngunak tungsiquvek tuunelleqamken.”
Naami kayagtellghatun pikaa, “Whaa maaten tagivaghhu qayuutaghraagkun lliluku naasqwa John‑em Paaptaayestem.”
Umiilek qivghukaq iwernga akeqikaatmineng aqelqami sivungitni piyukellgha kayagutkaa. Enkaam Herod‑em anusimingllaghvigmi John‑em naasqwa kepestekaa. Naasquq qayuutaghraagkun lliluku tuunegkaat aghnaghaghmun, enkaam naaminun aglaatkaa. John‑em maligsaaghtengi tagiluteng yugusii lliveghyaghtuqaat. Taagken Jesus ungipaasaghtuqaat.

Jesus‑em nagaqughyamigu ungipaq, angyamun uuglluni aghulaqegkaq paaghqillghanun ellnginaghhaanaluni. Iwernga yulghutet nagaqughyamegteggu nemeggneng maligtekaat piyugmeng. Jesus quutmun uuglluni esghaghluki yulghuteghllaget nangllegyaguteghllakii, enkaam naallghuquqii qinuyugtengit.
Whanikuyagu maligsaaghtengita takuluku pikaat, “Whanikwaa, maana paaghqituq; aglaghtuutesqiki nenun ellngitneng neqengesqelluki.”
Jesus‑em pikii, “Maanllit. Elpesi neghyaghqaliteki.”
Pikaat, “Whaa legan tallimaggaagut neqekrangllat, iqalluggaaklu.”
Jesus‑em pikii, “Tagiteki whavek.” Taagken yulghutet aqumuutesqegkii vegaaghqun. Tuguluki tallimat neqekrangllat, iqalluggaaklu, sivuglluni qilagmun Kiyaghneq iqamsiqayugvikegkaa. Iiggmineng aavgughluki neqekrangllat, maligsaaghteminun tuunegkii uyegtesqelluki yulghutnun. Qamaglluni neghuutkaq kepsuulluni. Taagken maligsaaghtet tugukiit qula maalghuk siipneqluku pasketet esleqngalghiit kagimleghitneng neqekrangllat siipneghet. Entaqun 5,000‑nguut yuget neghuutkat, aghnatlu taghnughhaatlu kesutkegpenaki.

Taagken Jesus‑em maligsaaghteni kayagtekii angyakun aghviqestiisqelluki naayvam inglunganun, ellngan aglaghtuutesimaluki yulghuteghllaget. Yulghuteghllaget aglaghtuutesamiki ellnginaghmi naayghamun mayuqaq yughaghnaluni. Tawani ighivgaghmi Jesus ellnginaamaluku, angyat unꞌga naayvami awavaghluteng, elngaatall imaghlliiqat qayughllak aygughnaghuskangi. Akulegkeni three‑kellaagenkuk, six‑eklaagenkuk unaanguluku Jesus‑em takukii maligsaaghteni meghem qaayngakun piyugmeng. Maligsaaghtet esghaghluku meghqun piyulghii kakavniiqat. Enkaam akilghuukat, “Taghneghaaguq.”
Tawaninginaq Jesus‑em pikii, “Alingegpenasi, Whanganguunga!”
Taagken Peter‑em pikaa, “Ataneq, ipa elpengukuvek tagsighnga elpenun aglaghlanga meghem qaayngakun.”
Jesus‑em pikaa, “Tagi.” Enkaam Peter ateghluni angyameng, meghem qaayngakun piyugmeng aglaqaq Jesus‑mun. Iwernga anuqa elpeksamigu alingegkaq, kalevutkelluku akilghuukaq, “Ataneq, yugulinga!”
Tawaninginaq Jesus‑em akuqaghluku pikaa, “Ugpeqilleghqestaapiguuten! Sangavek malghuklizin?”
Angyamun uugtaquklu ellmaaragtekaq. Enkaam angyamelnguut maniguqaat Jesus. Pikaat, “Ipapestaaq Kiyaghneghem Ighneqaaten!”

Taagken naayvaq aghvighluku tamlakat Gennesaret‑kun. Tamaakumiit liisuqsamegteggu Jesus, ungipaasaghtiisqegkiit village‑enilnguut qinuyugtiighit tagitesqelluki Jesus‑mun. Maniguututkiit qinuyulghiit waran saaftesqelluku keniikun enkaam qamaglluteng tamaakut saaftilghiit naallghutellengegkat.

ਸੁਣੋ Matthew 14