<div class="version vid3215 iso6393esu" data-vid="3215" data-iso6393="esu">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s">John&#8209;em Paaptaayestem Maligsaaghteni Jesus&#8209;mun Pistekangi</div><div class="p"> 1Jesus&#8209;em qula maalghuk siipneqluku maligsaaghteni apeghiighyamiki apeghtughaneghmeng, tamaaken aghulaqegkaq ilangitnun town&#8209;et apeghtughinalunillu ungipaqinalunillu.</div><div class="p"> 2Anusimingllaghvigmelluni John&#8209;em Paaptaayestem nagaqughluku Christ&#8209;a saaqutanga, ilangi maligsaaghteni kayagtekii Jesus&#8209;mun. 3Aaptekaat Jesus, &#8220;Elpengwaa taginaqnikaat, nalighmeng kina tagiyaghqaawaa?&#8221; 4Jesus&#8209;em kiimsiqii, &#8220;Ungipaasaghtughteggu John nagatkaghpesinengllu esghaqaghpesinengllu: 5ayakaayalghiit esghaghyagutut, piyugigasalghiit piyugyagutut, leprosy&#8209;lguyalghiit naallghutut, tuuslaghyalghiit nagaquusagutut, tuqukaayalghiit unguvaghtut, aklumalghiinunllu Pinilghiit Ungipat ungipaqut. 6Kina alngunak ugpeqinaninghilkumi whangamneng quyastekaaguq!&#8221;</div><div class="s">Jesus&#8209;em Aapqanga John Yugnun</div><div class="p"> 7Aga John&#8209;em maligsaaghtengi aghulaqsata, Jesus&#8209;em akuzitkegkaa John yulghutnun, &#8220;Kilgaanun piiqngafsi, sangwaa esghaghyaghtughesteggu? Vegaaq anuqem ufsuguskangaa? 8Saqutsimi? Esghaghnalukuu aatkaqegtaq yuuk? Tamaaken aatkaqelghiit kiyaghtaqut umiilget mangteghiitni! 9Sangwaami esghaghyaghtughesteggu? Uuknaliqistaa? Aa&#8209;a, ungipaatamsi, esghaqaghsi John uuknaliqistenginaanghituq. Megnunaghataghaghtuq 10qayughllak ellnganguuq Akuzitet Igaqegkat aapqaat whaten,</div><div class="q1">&#8216;Kiyaghneq piiq, Sivugpeni kayaglleqaqa ungipaghteka,</div><div class="q1">yataaghqesaghtiisqelluku tuumkaghqan&#8217;.</div><div class="m"> 11Ipa ungipaatamsi, John Paaptaayesta megnunalleghpigaaguq yugneng allgeqaghyaggaghneng. Iwernga kina alngunak ukalighpigaq Ataneghpagullghani Qilagem John&#8209;meng megnunaghataghaghtuq. 12John Paaptaayesta ungipaqiyuggaallghaneng whavemun kenlanga, suuglluget wayaghnaqutkaqaat Ataneghpagullgha Qilagem. 13Qamaglluteng uuknaliqistetlu Moses&#8209;emllu Liilightuusiita uuknaliqutkengngwaat Ataneghpagullgha Qilagem kenlanga John&#8209;em tagillghanun. 14John&#8209;nguuq uuknaliqistet uuknaliqutkegkaat taginaqnilleghmeggteggun Elijah. Ugpeqsukufsigu uuknaliqelleq, John Elijah&#8209;nguuq. 15Sigutelguusi, nagatek!</div><div class="p"> 16&#8220;Maaten kiyaghlleghhit yuget samun uspunnaqsingi? Taghnughhaaghestun ayuqut aqumuulluteng akilpegaghvigni, naghaalgutmeggnun akilghuullghiit whaten,</div><div class="q1"> 17&#8216;Qalghightaatamsi, tukaleganghitusi!</div><div class="q1">Qiyiqutukut, qiyiqenghitusi!&#8217;</div><div class="p"> 18&#8220;John tagiiqngami fast&#8209;aaquq, meghigatuqlu wine&#8209;meng, enkaam yuget whaten pikaagut, &#8216;Tughneghalguuq&#8217;. 19Ighnegha Yugem tagiiqngami, neghelgusighaqii, meghelgusighaqiillu yuget, enkaam yuget whaten pikaagut, &#8216;Yuukqun taana esghaqaghteggu! Neghetupigtuq, meghetupigtuq, ilakumtaaqaatlu tax&#8209;em qerngughtistengita, seghleghqestetlu!&#8217; Naqamllu Kiyaghneghem peghqinellgha ipapighqengngaaq sallghakun.&#8221;</div><div class="s">Jesus&#8209;em Aghyuuqangi Avuteghqellghilnguut Yuget</div><div class="p"> 20Jesus&#8209;em allulluki allaaghlluwhaghtilleni atuqegkaqii Chorazin&#8209;mi, Bethsaida&#8209;mi, Capernaum&#8209;emillu. Iwernga yugit avuteghqelluteng taaqellghilnguut seghleghqenneghmeng enkaam Jesus&#8209;em aghyuughmikii. 21Pikii, &#8220;Seghleghwaaghunaqnguusi, Chorazin&#8209;eghmiini! Seghleghwaaghunaqnguusi, Bethsaida&#8209;ghmiini! Elpesini allaaghlluwaghtilleghllaget apeghiiqat pikaayaqata Tyre&#8209;millu Sidon&#8209;millu, neghipiglluteng yugit avuteghqelluteng seghleghqennanighnayaghtut. Tamaaken apalluqluku suvinalghiimeng qiipaghaghqameng aalluteng aqumnayaghtut panetelleghteggun. 22Ipa ungipaatamsi, Nanqigtillghem Aghneghani Tyre&#8209;eghmiitlu Sidon&#8209;eghmiitlu aghyulleghqestaaghhaayaghqaagut elpesineng! 23Enkaam elpesi, Capernaum&#8209;eghmiini! Qaywa anglisteghllagyaghngaaghpesi elpesineng katam repall sumeghpesini usuqellengelleqnillusi qilagmi, yeghlegi ukiglleqiisi hell&#8209;mun. Allaaghlluwhaghtilleghllaget pikaayaqata Sodom&#8209;emi, paninang aghneghmi whani nekevghanayaghtuq! 24Iwernga ungipaatamsi Nanqigtillghem Aghneghani Kiyaghneghem nangllekataghaghyaghqaqii Sodom&#8209;eghmiit pakiggulluki elpesineng!&#8221;</div><div class="s">Whangamnun Tagilusi Meghnaalitek</div><div class="p"> 25Taagken Jesus pikaq, &#8220;Kaay Ata, Atanqaaten qilagemllu nunamllu! Iqamsiqayugvikamken qayughllak liitkaanghilngughnun liitestekaqan ipapighqelleq iiqan liitkanengllu peghqineghnengllu. 26Aa&#8209;a, Ataay, efquqelleghpetun pikaaguten.</div><div class="p"> 27&#8220;Atama tagivaqaqaa sangwaa qamagtengngwaaghluku. Kitum alngunak nallukaa Ighneq, iwerngaqun Atam. Kitum alngunak nallukaa Ata, iwerngaqun Ighneghem, enkaam Ighneghem nakmikegkaminun liitesleqaa Ata.</div><div class="p"> 28&#8220;Tagitek whangamnun qamagllusi ughleghilghiini, uqigtuqamengllu akmalegllagni, meghnaalisleqamsi. 29Iisqaghmiitagka aallukek liitivikitengnga, qayughllak yakumanginneghitunga, iluka qusevegngaaq. Enkaam meghnaalillequsi unguvasighpesinun. 30Iisqaghmiitagka piyaqniituk, akmakallu uqengestaaghhaaguq.&#8221;</div>
 </div>
 </div>
</div>

Jesus‑em qula maalghuk siipneqluku maligsaaghteni apeghiighyamiki apeghtughaneghmeng, tamaaken aghulaqegkaq ilangitnun town‑et apeghtughinalunillu ungipaqinalunillu.
Anusimingllaghvigmelluni John‑em Paaptaayestem nagaqughluku Christ‑a saaqutanga, ilangi maligsaaghteni kayagtekii Jesus‑mun. Aaptekaat Jesus, “Elpengwaa taginaqnikaat, nalighmeng kina tagiyaghqaawaa?” Jesus‑em kiimsiqii, “Ungipaasaghtughteggu John nagatkaghpesinengllu esghaqaghpesinengllu: ayakaayalghiit esghaghyagutut, piyugigasalghiit piyugyagutut, leprosy‑lguyalghiit naallghutut, tuuslaghyalghiit nagaquusagutut, tuqukaayalghiit unguvaghtut, aklumalghiinunllu Pinilghiit Ungipat ungipaqut. Kina alngunak ugpeqinaninghilkumi whangamneng quyastekaaguq!”

Aga John‑em maligsaaghtengi aghulaqsata, Jesus‑em akuzitkegkaa John yulghutnun, “Kilgaanun piiqngafsi, sangwaa esghaghyaghtughesteggu? Vegaaq anuqem ufsuguskangaa? Saqutsimi? Esghaghnalukuu aatkaqegtaq yuuk? Tamaaken aatkaqelghiit kiyaghtaqut umiilget mangteghiitni! Sangwaami esghaghyaghtughesteggu? Uuknaliqistaa? Aa‑a, ungipaatamsi, esghaqaghsi John uuknaliqistenginaanghituq. Megnunaghataghaghtuq qayughllak ellnganguuq Akuzitet Igaqegkat aapqaat whaten,
‘Kiyaghneq piiq, Sivugpeni kayaglleqaqa ungipaghteka,
yataaghqesaghtiisqelluku tuumkaghqan’.
Ipa ungipaatamsi, John Paaptaayesta megnunalleghpigaaguq yugneng allgeqaghyaggaghneng. Iwernga kina alngunak ukalighpigaq Ataneghpagullghani Qilagem John‑meng megnunaghataghaghtuq. John Paaptaayesta ungipaqiyuggaallghaneng whavemun kenlanga, suuglluget wayaghnaqutkaqaat Ataneghpagullgha Qilagem. Qamaglluteng uuknaliqistetlu Moses‑emllu Liilightuusiita uuknaliqutkengngwaat Ataneghpagullgha Qilagem kenlanga John‑em tagillghanun. John‑nguuq uuknaliqistet uuknaliqutkegkaat taginaqnilleghmeggteggun Elijah. Ugpeqsukufsigu uuknaliqelleq, John Elijah‑nguuq. Sigutelguusi, nagatek!
“Maaten kiyaghlleghhit yuget samun uspunnaqsingi? Taghnughhaaghestun ayuqut aqumuulluteng akilpegaghvigni, naghaalgutmeggnun akilghuullghiit whaten,
‘Qalghightaatamsi, tukaleganghitusi!
Qiyiqutukut, qiyiqenghitusi!’
“John tagiiqngami fast‑aaquq, meghigatuqlu wine‑meng, enkaam yuget whaten pikaagut, ‘Tughneghalguuq’. Ighnegha Yugem tagiiqngami, neghelgusighaqii, meghelgusighaqiillu yuget, enkaam yuget whaten pikaagut, ‘Yuukqun taana esghaqaghteggu! Neghetupigtuq, meghetupigtuq, ilakumtaaqaatlu tax‑em qerngughtistengita, seghleghqestetlu!’ Naqamllu Kiyaghneghem peghqinellgha ipapighqengngaaq sallghakun.”

Jesus‑em allulluki allaaghlluwhaghtilleni atuqegkaqii Chorazin‑mi, Bethsaida‑mi, Capernaum‑emillu. Iwernga yugit avuteghqelluteng taaqellghilnguut seghleghqenneghmeng enkaam Jesus‑em aghyuughmikii. Pikii, “Seghleghwaaghunaqnguusi, Chorazin‑eghmiini! Seghleghwaaghunaqnguusi, Bethsaida‑ghmiini! Elpesini allaaghlluwaghtilleghllaget apeghiiqat pikaayaqata Tyre‑millu Sidon‑millu, neghipiglluteng yugit avuteghqelluteng seghleghqennanighnayaghtut. Tamaaken apalluqluku suvinalghiimeng qiipaghaghqameng aalluteng aqumnayaghtut panetelleghteggun. Ipa ungipaatamsi, Nanqigtillghem Aghneghani Tyre‑eghmiitlu Sidon‑eghmiitlu aghyulleghqestaaghhaayaghqaagut elpesineng! Enkaam elpesi, Capernaum‑eghmiini! Qaywa anglisteghllagyaghngaaghpesi elpesineng katam repall sumeghpesini usuqellengelleqnillusi qilagmi, yeghlegi ukiglleqiisi hell‑mun. Allaaghlluwhaghtilleghllaget pikaayaqata Sodom‑emi, paninang aghneghmi whani nekevghanayaghtuq! Iwernga ungipaatamsi Nanqigtillghem Aghneghani Kiyaghneghem nangllekataghaghyaghqaqii Sodom‑eghmiit pakiggulluki elpesineng!”

Taagken Jesus pikaq, “Kaay Ata, Atanqaaten qilagemllu nunamllu! Iqamsiqayugvikamken qayughllak liitkaanghilngughnun liitestekaqan ipapighqelleq iiqan liitkanengllu peghqineghnengllu. Aa‑a, Ataay, efquqelleghpetun pikaaguten.
“Atama tagivaqaqaa sangwaa qamagtengngwaaghluku. Kitum alngunak nallukaa Ighneq, iwerngaqun Atam. Kitum alngunak nallukaa Ata, iwerngaqun Ighneghem, enkaam Ighneghem nakmikegkaminun liitesleqaa Ata.
“Tagitek whangamnun qamagllusi ughleghilghiini, uqigtuqamengllu akmalegllagni, meghnaalisleqamsi. Iisqaghmiitagka aallukek liitivikitengnga, qayughllak yakumanginneghitunga, iluka qusevegngaaq. Enkaam meghnaalillequsi unguvasighpesinun. Iisqaghmiitagka piyaqniituk, akmakallu uqengestaaghhaaguq.”

ਸੁਣੋ Matthew 11