<div class="version vid2939 iso6393tso" data-vid="2939" data-iso6393="tso">
 <div class="book bkMAT">
 <div class="chapter ch19" data-usfm="MAT.19">
 <div class="label">19</div><div class="s">Ta jondzo ya Yesu henhla ka ta kutshika nsati</div><div class="r">(Marka 10:1-12; Luka 16:18)</div><div class="p"> 1Kuteloko Yesu ahetile kuvulavula timhaka leti, asuka Galileya, aya migangeni ya tiko ra Yudeya, hi tlhelo rin'wana ra nambu wa Yordani. 2Xitshungu lexikulu ximulandza, kutani avahanyisa kolaho.</div><div class="p"> 3Vafarisi vata ka yena kumuringa, vaku: &#8220;Xana munhu wapfumeleliwa kutshika nsati wa yena hi mhaka yihi ni yihi ke?&#8221; 4#Vona ni: Gen. 1:27; 5:2. Yesu avahlamula aku: &#8220;Amihlayanga xana marito lawa mange: &#8216;Kusunguleni Mutumbuluxi ayendlile munhu waxinuna ni munhu waxisati&#8217; xana? 5#Vona ni: Gen. 2:24. Nasvona Mutumbuluxi ate: &#8216;Hikolaho ka svona wanuna atasuka ka tatana wa yena ni ka mamana wa yena, anamarhela nsati wa yena; kutani lavambirhi vatava nyama yin'we ntsena.&#8217; 6Svivula lesvaku avahali vambirhi, kambe i nyama yin'we ntsena. Hikolaho-ke lesvi Xikwembu xisvihlanganiseke, svingatshuki svihambanisiwa hi munhu.&#8221;</div><div class="p"> 7Vafarisi vaku ka yena: &#8220;Hikolaho ka yini Moxe abzelile vanhu lesvaku wansati anyikiwa papela ra kumutshunxa, kutani atshikiwa ke?&#8221; 8Yena, aku ka vona: &#8220;Moxe amipfumelelile kutshika vasati va n'wina hikolaho ka kunonon'hwa ka timbilu ta n'wina; kambe kusunguleni asvingalitano. 9#Vona ni: Mat. 5:32; I Kor. 7:10-11. Mina nili: Mani na mani lweyi atshikaka nsati wa yena, loko kungali hi mhaka ya vunghwavana, kutani ateka mun'wana, wawosva.&#8221;</div><div class="p"> 10Vajondzisiwa va Yesu vaku ka yena: &#8220;Loko timhaka tawanuna ni nsati wa yena tili hi matshamela lawa, svayampsa lesvaku munhu atshama angachadi.&#8221; 11Avahlamula aku: &#8220;Ahi hinkwavu lava vangayamukelaka mhaka leyi, kambe yingayamukeliwa ntsena hi lava vanyikiweke svona. 12Ku ni vatsheniwa lavangapsaliwa valitano amakhwirini ya vamamana va vona; ku ni vatsheniwa lavangayendliwa vatsheniwa hi vanhu; nasvona ku ni lavangatithena hi voxe hikolaho ka Mfumu wa matilo. Lweyi akotaka kuyamukela mhaka leyi, aayiyamukele!&#8221;</div><div class="s">Ta Yesu loko akatekisa vatsongwana</div><div class="r">(Marka 10:13-16; Luka 18:15-17)</div><div class="p"> 13Kutani kutisiwa vatsongwana ka Yesu lesvaku avatlhanteka mavoko, avakhongelela; kambe vajondzisiwa vaholovela lavatisaka vatsongwana. 14Hi loko Yesu aku: &#8220;Tshikani vatsongwana, mingatshukeni mivasivela kuta ka mina, hikuva Mfumu wa matilo, i wa lavafanaka na vona.&#8221; 15Kuteloko avatlhantekile mavoko, asuka kolaho.</div><div class="s">Ta jaha leripfundzeke</div><div class="r">(Marka 10:17-31; Luka 18:18-30)</div><div class="p"> 16Kutani kuta munhu ka yena aku: &#8220;Mujondzisi lwenene, hi svihi lesvinene lesvi nifanelaka kuyendla svona lesvaku nitava ni vutomi lebzingaheliki, xana?&#8221; 17Yesu amuhlamula, aku: &#8220;Univutisela yini hi ta lesvinene xana? Lwenene i mun'we ntsena. Kambe loko ulava kunghena vuton'wini, hlayisa Milawu.&#8221; 18#Vona ni: Eks. 20:13-16; Dew. 5:17-20. Yena aku ka Yesu: &#8220;Hi yi hi ke?&#8221; Yesu amuhlamula, aku: &#8220;Hi le yinge: &#8216;Ungatshuki udlaya, ungatshuki uwosva, ungatshuki uyiva, ungatshuki uhumesa vumboni bzohemba; 19#Vona ni: Eks. 20:12; Dew. 5:16; Levh. 19:18. uva ni xichavu ka tatana wa wena ni ka mamana wa wena.&#8217; Nasvona: &#8216;Urhandza munhukuloni kukota loko utirhandza.&#8217;&#8221; 20Jaha leri riku ka yena: &#8220;Hinkwasvu lesvi nisvihlayisile na nahali ntsongo; xana nahapfumala yini ke?&#8221; 21Yesu aku ka yena: &#8220;Loko ulava kuva lweyi ahetisekeke, famba uyaxavisa rifuwo ra wena, unyika svisiwana, kutani utava ni xuma matilweni; hi kona ungatata unilandza.&#8221; 22Kambe loko jaha leri ritwa marito lawa, rifamba na rihlunamile, hikuva arili ni rifuwo lerikulu.</div><div class="p"> 23Kutani Yesu aku ka vajondzisiwa va yena: &#8220;Nitiyisile nili ka n'wina: Svitanonon'hwa ka mufuwi kunghena Mfun'wini wa matilo. 24Niyengeta nimibzela nili ka n'wina: Svingawolovela kamela kunghena ka tihlo ra nayethi, kutlula kuva mufuwi anghena Mfun'wini wa Xikwembu.&#8221; 25Vajondzisiwa vatwa marito lawa, vahlamala ngopfu, vaku: &#8220;Loko svilitano, kungapona mani xana?&#8221; 26Yesu avalangutisisa, aku: &#8220;Ka vanhu lesvi asvingekoteki, kambe Xikwembu xona axitsandziwi hi nchumu.&#8221;</div><div class="p"> 27Kutani Petrosi aku ka Yesu: &#8220;Wasvivo, hina hitshikile hinkwasvu, hikulandza; xana hitavuyeliwa hi yini?&#8221; 28#Vona ni: Mat. 25:31; Luk. 22:30. Yesu aku ka vona: &#8220;Nitiyisile nili ka n'wina: Loko svilo hinkwasvu svitava svipfuxetiwile, ni loko N'wana-wa-Munhu atshamisile xiluvelweni xa yena lexokwetsima, n'wina lava minilandzeke, na n'wina mitatshama sviluvelweni sva khume ni svimbirhi, miyavanyisa tinyimba ta Israyele leti ta timbirhi.&#8221; 29Kutani mani na mani lweyi atshikeke tiyindlo ta yena, kumbe vamakwavu vaxinuna ni vaxisati, kumbe tatana wa yena, kumbe mamana wa yena, kumbe nsati, kumbe vana, kumbe masimu, hikolaho ka vito ra mina, atanyikiwa svona ka dzana (100), atlhela aja ndzhaka ya vutomi lebzingaheliki. 30#Vona ni: Mat. 20:16; Luk. 13:30. Kambe vanyingi lavanga va le mahlweni vatava va kugamesa, ni va kugamesa vatava va le mahlweni.</div>
 </div>
 </div>
</div>

Novo Testamento Changana © Bible Society of Mozambique, 2014.

Kuteloko Yesu ahetile kuvulavula timhaka leti, asuka Galileya, aya migangeni ya tiko ra Yudeya, hi tlhelo rin'wana ra nambu wa Yordani. Xitshungu lexikulu ximulandza, kutani avahanyisa kolaho.
Vafarisi vata ka yena kumuringa, vaku: “Xana munhu wapfumeleliwa kutshika nsati wa yena hi mhaka yihi ni yihi ke?” Yesu avahlamula aku: “Amihlayanga xana marito lawa mange: ‘Kusunguleni Mutumbuluxi ayendlile munhu waxinuna ni munhu waxisati’ xana? Nasvona Mutumbuluxi ate: ‘Hikolaho ka svona wanuna atasuka ka tatana wa yena ni ka mamana wa yena, anamarhela nsati wa yena; kutani lavambirhi vatava nyama yin'we ntsena.’ Svivula lesvaku avahali vambirhi, kambe i nyama yin'we ntsena. Hikolaho-ke lesvi Xikwembu xisvihlanganiseke, svingatshuki svihambanisiwa hi munhu.”
Vafarisi vaku ka yena: “Hikolaho ka yini Moxe abzelile vanhu lesvaku wansati anyikiwa papela ra kumutshunxa, kutani atshikiwa ke?” Yena, aku ka vona: “Moxe amipfumelelile kutshika vasati va n'wina hikolaho ka kunonon'hwa ka timbilu ta n'wina; kambe kusunguleni asvingalitano. Mina nili: Mani na mani lweyi atshikaka nsati wa yena, loko kungali hi mhaka ya vunghwavana, kutani ateka mun'wana, wawosva.”
Vajondzisiwa va Yesu vaku ka yena: “Loko timhaka tawanuna ni nsati wa yena tili hi matshamela lawa, svayampsa lesvaku munhu atshama angachadi.” Avahlamula aku: “Ahi hinkwavu lava vangayamukelaka mhaka leyi, kambe yingayamukeliwa ntsena hi lava vanyikiweke svona. Ku ni vatsheniwa lavangapsaliwa valitano amakhwirini ya vamamana va vona; ku ni vatsheniwa lavangayendliwa vatsheniwa hi vanhu; nasvona ku ni lavangatithena hi voxe hikolaho ka Mfumu wa matilo. Lweyi akotaka kuyamukela mhaka leyi, aayiyamukele!”


Kutani kutisiwa vatsongwana ka Yesu lesvaku avatlhanteka mavoko, avakhongelela; kambe vajondzisiwa vaholovela lavatisaka vatsongwana. Hi loko Yesu aku: “Tshikani vatsongwana, mingatshukeni mivasivela kuta ka mina, hikuva Mfumu wa matilo, i wa lavafanaka na vona.” Kuteloko avatlhantekile mavoko, asuka kolaho.


Kutani kuta munhu ka yena aku: “Mujondzisi lwenene, hi svihi lesvinene lesvi nifanelaka kuyendla svona lesvaku nitava ni vutomi lebzingaheliki, xana?” Yesu amuhlamula, aku: “Univutisela yini hi ta lesvinene xana? Lwenene i mun'we ntsena. Kambe loko ulava kunghena vuton'wini, hlayisa Milawu.” Yena aku ka Yesu: “Hi yi hi ke?” Yesu amuhlamula, aku: “Hi le yinge: ‘Ungatshuki udlaya, ungatshuki uwosva, ungatshuki uyiva, ungatshuki uhumesa vumboni bzohemba; uva ni xichavu ka tatana wa wena ni ka mamana wa wena.’ Nasvona: ‘Urhandza munhukuloni kukota loko utirhandza.’” Jaha leri riku ka yena: “Hinkwasvu lesvi nisvihlayisile na nahali ntsongo; xana nahapfumala yini ke?” Yesu aku ka yena: “Loko ulava kuva lweyi ahetisekeke, famba uyaxavisa rifuwo ra wena, unyika svisiwana, kutani utava ni xuma matilweni; hi kona ungatata unilandza.” Kambe loko jaha leri ritwa marito lawa, rifamba na rihlunamile, hikuva arili ni rifuwo lerikulu.
Kutani Yesu aku ka vajondzisiwa va yena: “Nitiyisile nili ka n'wina: Svitanonon'hwa ka mufuwi kunghena Mfun'wini wa matilo. Niyengeta nimibzela nili ka n'wina: Svingawolovela kamela kunghena ka tihlo ra nayethi, kutlula kuva mufuwi anghena Mfun'wini wa Xikwembu.” Vajondzisiwa vatwa marito lawa, vahlamala ngopfu, vaku: “Loko svilitano, kungapona mani xana?” Yesu avalangutisisa, aku: “Ka vanhu lesvi asvingekoteki, kambe Xikwembu xona axitsandziwi hi nchumu.”
Kutani Petrosi aku ka Yesu: “Wasvivo, hina hitshikile hinkwasvu, hikulandza; xana hitavuyeliwa hi yini?” Yesu aku ka vona: “Nitiyisile nili ka n'wina: Loko svilo hinkwasvu svitava svipfuxetiwile, ni loko N'wana-wa-Munhu atshamisile xiluvelweni xa yena lexokwetsima, n'wina lava minilandzeke, na n'wina mitatshama sviluvelweni sva khume ni svimbirhi, miyavanyisa tinyimba ta Israyele leti ta timbirhi.” Kutani mani na mani lweyi atshikeke tiyindlo ta yena, kumbe vamakwavu vaxinuna ni vaxisati, kumbe tatana wa yena, kumbe mamana wa yena, kumbe nsati, kumbe vana, kumbe masimu, hikolaho ka vito ra mina, atanyikiwa svona ka dzana (100), atlhela aja ndzhaka ya vutomi lebzingaheliki. Kambe vanyingi lavanga va le mahlweni vatava va kugamesa, ni va kugamesa vatava va le mahlweni.

ਸੁਣੋ Matewu 19