<div class="version vid1345 iso6393sim" data-vid="1345" data-iso6393="sim">
 <div class="book bkLUK">
 <div class="chapter ch14" data-usfm="LUK.14">
 <div class="label">14</div><div class="s">Jisas Sabat wolok ma or kumba tava tirindarin or mbarik jivik or nari</div><div class="p"> 1Sabat wolok Jisas Farisi lida lihi larhi akak or akurik ormu layira. Urik ma ol orok liri ondo orin limu lishi flaflatara. 2Mberem ushirik? Ma lar kumba tava tirindari orok liri ora. 3Urik ma oton or heyehe mashi Moseshin sawendari ma nga Farisi ondo nga ormu silira, &#8220;Mashi Moseshi mberem si sawendu? Ma ol kavamisindan Sabat wolok ni mbanak jivik li nakwa jivi os mo kava os?&#8221; #Lk 6:9 4Urik mayam er limu lira, mbeek mashi las mbari ambu lir. Urik ma oton or toloho or mbarik jivik or narik or mbashirik ormu ira. 5Uhu ormu sawera, &#8220;Os jikishulayi jihi lar mo bulmakau jihi lar Sabat wolok ukwa wolnanda mishi lasik li layi nahi, kolomalok ji ihi tolonak tasakunda ol mo wahau? He, ji tolonak tasakwa ol te.&#8221; #Mt 12:11; Lk 13:15 6Karem or mbarik lir mbeek mashi las mbakurik nari ambu lir.</div><div class="s">Jisas karem ormu mbara, &#8220;Jir jihinjik ji hafaka lika.&#8221;</div><div class="p"> 7Jisas or sihi nor heyeri ma ol hiyawu laka orok tari ma ondo amber malakama linda mishik li likmbaha olmu ura. 8Urik sauheima las ormu sawera, &#8220;Os ma lar hiyawu laka las or uhu or ushanak mi i nahi, avak malakama linda mishik mi i liwa hala. Las avak orok mi ihi malakama ondo li likwa mishin mi arangonda ngashi. #Snd 25:6-7 9Unak hiyawu mashama oto avak or taha mirin karem mbakwa ora, &#8220;Mir os mi liwa mishi toson halashinak malakama katai tawa torok or lika.&#8221; Las avak karem or mbashinak mi humblaraha kuma yok mi i linda ngashi. 10Hako mir kuma yoko mendek i lika. Os erem mi uwa oso hiyawu mashama oto avak or mbashinak mi ihi malakama linda mishik mi likwa sira. Erem or unak hi mihi avak ma ol er nga ji lihi awa misokome lihik lakak nakwa sir. 11Uwa osik ji misi. Ma or hi orhin orhinjik metenjek hauowewa, avak Avui Wasilaka hi orhin or hakaowekwa ora. Hako ma or orhinjik hafaka liwa, avak Avui Wasilaka hi orhin metenje mendek or hauowekwa ri.&#8221; #Mt 23:12; Lk 18:14</div><div class="s">Erndakava ondon armek ji uka</div><div class="p"> 12Urik Jisas Farisi hiyawu mashama oton ormu sawera, &#8220;Os hiyawu laka las mi ukuna wolo avak mahasanje mihi nga mihi kuvu ondo nga ya ngashi ma ondo nom ushanak li ra awa hala. Mberem ushiwak? Lir avak akwa wasa mihin hakwa lir. Ushinak kumak mbele las lakwa ambu mir. 13Hako os hiyawu wasilaka las mi uwa, avak erndakava nga ol maome kumba tava lihi nga misokome nga kavak nahanda ondon ushanak li ra aka. 14Ol erem nahanda ma ondo mbeek akwa wasa mihin ukwa ambu lir. Unak mir er rupshi mendeka. Mberem ushiwak? Kumak ma Avui Wasilakahi ol hahanda indik li usahana wolo akwa wasa mihi oso or hakwa sir.&#8221; #Jn 5:29</div><div class="s">Hiyawu wasilaka hevenik fehe</div><div class="r">(Mt 22:1-10)</div><div class="p"> 15Urik orok liri ma lar mashi oson or misihi Jisasin ormu sawera, &#8220;Hulaima nokopma ol hiyawu wasilaka yanga jivi Avui Wasilakahi orok lihi akwa ma ondo li rupshi mendeka.&#8221; #Lk 13:29 16Urik Jisas ormu orin sawera, &#8220;Misi, ma lar hiyawu wasilaka las or ukurik or uhu ma musha mendek ormu ushara. 17Urik am or ukuri wolok si narik ornjik lerawun landari ma oton or mbashirik or ihi ma ol masmas or mainhandarin ormu sawera, &#8220;Ji taka. Mbele mbele amber angop or hundujerakowa sir.&#8221; 18Hako ma ondo mbeek orok ikurik hishiri ambu lir. Lar ormu mbara, &#8220;An angop nowe las yak a frungawuri nir. Avak a ihi nowe oson a heyekwa nir. Uwa osik hiyawu orok a rakwa ambu nir.&#8221; 19Hovok lar ormu mbara, &#8220;An angop bulmakau 10-pelak lerawun a lakurik yak a frungawuri nir. Avak a ihi bulmakau ondon a heyekwa nir. Uwa osik hiyawu orok a rakwa ambu nir.&#8221; 20Hovok lar ormu mbara, &#8220;An akrin na nokoplawa osik hiyawu orok a rakwa ambu nir.&#8221; #1 Ko 7:33 21Urik lerawun landari ma oto indiyok or taha mashi os li mbarin hiyawu mashama oton ormu sawera. Urik mashi oson or misihi or waplelenaha orin ormu sawera, &#8220;Mir kolomalok ihi kolaka torok nombo laka nga nombo jintla kanda nga mi ilai talaihi erndakava ondo nga ma ol maome kavak nanda nga misokome tumunda nga kumba nashinda nga laharanak aka anhik li raka.&#8221; 22Karem or mbashirik or ihi indik ormu taha ormu mbara, &#8220;Malakama, os mi mbawa hom a lawa sir. Hako aka laka mihi oso hoje namber.&#8221; 23Urik hiyawu mashama oto ormu sawera, &#8220;Mir avak kolaka toson mi halaha yanga yangak mi ihi ma amber ol orok mi heyewa ondon ukmisi laharanak avak aka anhi si hojeka. 24Hako omek amu sawenduwa. Ma ol mas a ushahanda ondo lir avak mbeek akwa kandakar akwa ambu lira, wahau.&#8221; &#8221;</div><div class="s">Jisasin ji tiyakunak ji hishi nahi, yawur ji li hishihi jivai tiyaka</div><div class="r">(Mt 10:37-38)</div><div class="p"> 25Ma musha mendek Jisas nga limu ira. Urik or tormblehe ormu lirin sawera, 26&#8220;Os ma lar anin or tiyakunak or hishi nahi, wa halanak anin wapnuku orhik or oweka. Os avoko nijava, jinokopji, jikaha mahasanje orhin wapnuku orhik or oweshihi anin wapmantlek or owe nahi, or mbeek anhi mak nakwa ambu ri. Uhu os anin or rupshiwa oso orhinjik or rupshinda oson si tikri nahi ambu, or mbeek anhi mak nakwa ambu ri. #Lk 9:23 27Hovok os ma lar miando orhin or kisha nahi ambu, or mbeek anhi mak nakwa ambu ri.</div><div class="p"> 28Uwa osik ji misi. Os ma lar akan or ukwak or hishi nahi, wa yawur or lihi ya nga mbele mbele ol akan or ukwak or hishiwa ondon or li hishihi nor mba, &#8220;Ya toso am aka toson a urakokundas mo wahau?&#8221; 29Os erem or hishi nahi ambu, aka oso mbeek or urakokwa ambu sir. Unak ma avak li heyehe orin okole karem orin mbakwa lir, 30&#8220;Ma toto aka toso or urakowa kom te,&#8221; karem mbakwa ola.</div><div class="p"> 31Os king lar king anandi nga awun or ukwak or hishi nahi, wa yawur or lihi armek hishikwa ora. Awun unda ma orhi 10,000-ik li nanak king anandi oto awun unda ma orhi 20,000-ik li na nahi, or mba, &#8220;Am a jihi na tukrunak tulu ikundal mo wahau?&#8221; Karem hishikwa ora. 32Hako os or hishiwa awu oson or jihi tukrundahi ambu, karem or hishi nahi, wa os homek si nana wolo ma lal or mbashinak li ihi li sauntleka. Ushinak awu oso li ukwan li halaka. 33Uhunda hom jir erema. Masmas jihinjik yawur ji heyeshihin. Os mbele mbele jihin ji hala nahi ambu, jir mbeek anin tiyanda mak nakwa ambu jir.&#8221;</div><div class="s">Jisas orin tiyanda nombon sauheima las waswok or saweri</div><div class="r">(Mt 5:13; Mk 9:50)</div><div class="p"> 34&#8220;Waswo jivi sira. Hako os si jip ana ambu nahi, mberem ni unak indiyok jivik sivai naku? Wahau. 35Erem nanda waswo oso mbeek mbele jivi las undahi ambu sir. Men li ormbewak inda sira. Misi, ma ol mambla ngashi halanak mashi anhin li misika.&#8221;</div>
 </div>
 </div>
</div>

Sabat wolok Jisas Farisi lida lihi larhi akak or akurik ormu layira. Urik ma ol orok liri ondo orin limu lishi flaflatara. Mberem ushirik? Ma lar kumba tava tirindari orok liri ora. Urik ma oton or heyehe mashi Moseshin sawendari ma nga Farisi ondo nga ormu silira, “Mashi Moseshi mberem si sawendu? Ma ol kavamisindan Sabat wolok ni mbanak jivik li nakwa jivi os mo kava os?” Urik mayam er limu lira, mbeek mashi las mbari ambu lir. Urik ma oton or toloho or mbarik jivik or narik or mbashirik ormu ira. Uhu ormu sawera, “Os jikishulayi jihi lar mo bulmakau jihi lar Sabat wolok ukwa wolnanda mishi lasik li layi nahi, kolomalok ji ihi tolonak tasakunda ol mo wahau? He, ji tolonak tasakwa ol te.” Karem or mbarik lir mbeek mashi las mbakurik nari ambu lir.

Jisas or sihi nor heyeri ma ol hiyawu laka orok tari ma ondo amber malakama linda mishik li likmbaha olmu ura. Urik sauheima las ormu sawera, “Os ma lar hiyawu laka las or uhu or ushanak mi i nahi, avak malakama linda mishik mi i liwa hala. Las avak orok mi ihi malakama ondo li likwa mishin mi arangonda ngashi. Unak hiyawu mashama oto avak or taha mirin karem mbakwa ora, “Mir os mi liwa mishi toson halashinak malakama katai tawa torok or lika.” Las avak karem or mbashinak mi humblaraha kuma yok mi i linda ngashi. Hako mir kuma yoko mendek i lika. Os erem mi uwa oso hiyawu mashama oto avak or mbashinak mi ihi malakama linda mishik mi likwa sira. Erem or unak hi mihi avak ma ol er nga ji lihi awa misokome lihik lakak nakwa sir. Uwa osik ji misi. Ma or hi orhin orhinjik metenjek hauowewa, avak Avui Wasilaka hi orhin or hakaowekwa ora. Hako ma or orhinjik hafaka liwa, avak Avui Wasilaka hi orhin metenje mendek or hauowekwa ri.”

Urik Jisas Farisi hiyawu mashama oton ormu sawera, “Os hiyawu laka las mi ukuna wolo avak mahasanje mihi nga mihi kuvu ondo nga ya ngashi ma ondo nom ushanak li ra awa hala. Mberem ushiwak? Lir avak akwa wasa mihin hakwa lir. Ushinak kumak mbele las lakwa ambu mir. Hako os hiyawu wasilaka las mi uwa, avak erndakava nga ol maome kumba tava lihi nga misokome nga kavak nahanda ondon ushanak li ra aka. Ol erem nahanda ma ondo mbeek akwa wasa mihin ukwa ambu lir. Unak mir er rupshi mendeka. Mberem ushiwak? Kumak ma Avui Wasilakahi ol hahanda indik li usahana wolo akwa wasa mihi oso or hakwa sir.”


Urik orok liri ma lar mashi oson or misihi Jisasin ormu sawera, “Hulaima nokopma ol hiyawu wasilaka yanga jivi Avui Wasilakahi orok lihi akwa ma ondo li rupshi mendeka.” Urik Jisas ormu orin sawera, “Misi, ma lar hiyawu wasilaka las or ukurik or uhu ma musha mendek ormu ushara. Urik am or ukuri wolok si narik ornjik lerawun landari ma oton or mbashirik or ihi ma ol masmas or mainhandarin ormu sawera, “Ji taka. Mbele mbele amber angop or hundujerakowa sir.” Hako ma ondo mbeek orok ikurik hishiri ambu lir. Lar ormu mbara, “An angop nowe las yak a frungawuri nir. Avak a ihi nowe oson a heyekwa nir. Uwa osik hiyawu orok a rakwa ambu nir.” Hovok lar ormu mbara, “An angop bulmakau 10-pelak lerawun a lakurik yak a frungawuri nir. Avak a ihi bulmakau ondon a heyekwa nir. Uwa osik hiyawu orok a rakwa ambu nir.” Hovok lar ormu mbara, “An akrin na nokoplawa osik hiyawu orok a rakwa ambu nir.” Urik lerawun landari ma oto indiyok or taha mashi os li mbarin hiyawu mashama oton ormu sawera. Urik mashi oson or misihi or waplelenaha orin ormu sawera, “Mir kolomalok ihi kolaka torok nombo laka nga nombo jintla kanda nga mi ilai talaihi erndakava ondo nga ma ol maome kavak nanda nga misokome tumunda nga kumba nashinda nga laharanak aka anhik li raka.” Karem or mbashirik or ihi indik ormu taha ormu mbara, “Malakama, os mi mbawa hom a lawa sir. Hako aka laka mihi oso hoje namber.” Urik hiyawu mashama oto ormu sawera, “Mir avak kolaka toson mi halaha yanga yangak mi ihi ma amber ol orok mi heyewa ondon ukmisi laharanak avak aka anhi si hojeka. Hako omek amu sawenduwa. Ma ol mas a ushahanda ondo lir avak mbeek akwa kandakar akwa ambu lira, wahau.” ”


Ma musha mendek Jisas nga limu ira. Urik or tormblehe ormu lirin sawera, “Os ma lar anin or tiyakunak or hishi nahi, wa halanak anin wapnuku orhik or oweka. Os avoko nijava, jinokopji, jikaha mahasanje orhin wapnuku orhik or oweshihi anin wapmantlek or owe nahi, or mbeek anhi mak nakwa ambu ri. Uhu os anin or rupshiwa oso orhinjik or rupshinda oson si tikri nahi ambu, or mbeek anhi mak nakwa ambu ri. Hovok os ma lar miando orhin or kisha nahi ambu, or mbeek anhi mak nakwa ambu ri.
Uwa osik ji misi. Os ma lar akan or ukwak or hishi nahi, wa yawur or lihi ya nga mbele mbele ol akan or ukwak or hishiwa ondon or li hishihi nor mba, “Ya toso am aka toson a urakokundas mo wahau?” Os erem or hishi nahi ambu, aka oso mbeek or urakokwa ambu sir. Unak ma avak li heyehe orin okole karem orin mbakwa lir, “Ma toto aka toso or urakowa kom te,” karem mbakwa ola.
Os king lar king anandi nga awun or ukwak or hishi nahi, wa yawur or lihi armek hishikwa ora. Awun unda ma orhi 10,000-ik li nanak king anandi oto awun unda ma orhi 20,000-ik li na nahi, or mba, “Am a jihi na tukrunak tulu ikundal mo wahau?” Karem hishikwa ora. Hako os or hishiwa awu oson or jihi tukrundahi ambu, karem or hishi nahi, wa os homek si nana wolo ma lal or mbashinak li ihi li sauntleka. Ushinak awu oso li ukwan li halaka. Uhunda hom jir erema. Masmas jihinjik yawur ji heyeshihin. Os mbele mbele jihin ji hala nahi ambu, jir mbeek anin tiyanda mak nakwa ambu jir.”


“Waswo jivi sira. Hako os si jip ana ambu nahi, mberem ni unak indiyok jivik sivai naku? Wahau. Erem nanda waswo oso mbeek mbele jivi las undahi ambu sir. Men li ormbewak inda sira. Misi, ma ol mambla ngashi halanak mashi anhin li misika.”

ਸੁਣੋ Luk 14