نامۀ اَوَل وَ کِلیسِی قُرَنتُس 5
5
بیعفتی مِنِه کلیسا
1راسِش اِشنُفتِمِه که مِلاتون بیعفتی هِسی، وِه هَم طوری که حتی بُتپَرَستَل هَم طاقَتِشَه نَیارِن. سییِکِه اِشنُفتِمِه مِردی بِی زنِ بُوش رابطَه دارِه. 2وِ ایشا افتخار ایکِنیت! مَه نیبایِس ماتَم بِگِریت؟ کسی نَه که ای کارَ کِردِه وَ مِلاتون کِنیتِش وَدَر. 3سییِکِه هَرچَن مِ مِنِه جسم نَه وُچِنُم، امّا مِنِه روح باتونُم وِ ایسو، مِی کسی که مِلاتونِه، قضاوتِ خِمَه نَهاتَر درموردِ کسی که دَس وَ ایطو کاری زَیِه، اعلام کِردِمِه. 4وختی وَ نومِ خداوند عیسی دورِ یَک جَم ایابِیت وِ مو مِنِه روح باتونُم، بِی قویَتِ خداوندِمون عیسی، 5ایشا باید ای مِردَ بِئیت وَ دَسِ شیطون تا بِی نابودیِ جِسمِش، روحِ وُّ مِنِه روزِ خداوند عیسی نجات بِجورِه.
6یِکِه وَ خِتون ایبالیت نَه خوبه. مَه نُونیت که یِچِی خمیرمایَه ایتَرِه تمومیِ خمیرَ وَر بیارِه؟ 7خِتونَه وَ خمیرمایۀ کُهنَه پاک کِنیت تا خمیرِ تازَه بِیت، هَموطو که وَراسی هَم بیخمیرمایَه یِیت. سییِکِه مسیح، بَرِۀ پِسَحِ ایما، قُربونی وابییِه. 8پَ بییِیت عیدَ جشن بِگِریم، نَه بِی خمیرمایۀ کُهنَه، یعنی خمیرمایۀ بَدخوایی وِ شِرارَت، بلکم بِی نونِ بیخمیرمایۀ روراسی وِ حقیقت.
9مِنِه نامۀ خُوم، سیتون نوشتُم که بِی آیَمَلِ بیعفت نِشَسِ بَرخاس نَکِنیت. 10امّا منظورُم اصلاً یِه نَبی که بِی آیَمَلِ بیعفتِ ای دنیا یا بِی طَمعخوارَل یا حُقَّهبازَل یا بُتپرستَل نِشَسِ بَرخاس نَکنیت، سییِکِه اَندِی ایبایِس ترکِ دنیا نَه کِنیت. 11امّا ایسو سیتون اینِویسُم که بِی کسی که خِشَه کَکا دونِه، اَر بیعفت، یا طمعخوار یا بُتپرستِه یا دِشمون اییِه یا عَرَقخَر وِ یا حُقَّهبازِه، نِشَسِ بَرخاس نَکِنیت، بِی ایطو کسی حتی هُمسُفرَه هَم نَوابِیت.
12سییِکِه وَ مِ چِه که درموردِ مَردمونِ وَدَر داوری کِنُم؟ مَه داوری درموردِ اونگَلی که مِنِه کلیسایَن، نَه وَ عهدۀ ایشانِه؟ 13خدا خُوش درموردِ مَردمونِ وَدَرَ کلیسا داوری ایکِنِه. پَ «او آیَمِ گَندَکارَ وَ مِلاتون کِنیت وَدَر.»
Markert nå:
نامۀ اَوَل وَ کِلیسِی قُرَنتُس 5: SLB
Marker
Kopier
Sammenlign
Del
Vil du ha høydepunktene lagret på alle enhetene dine? Registrer deg eller logg på
@ 2024 Korpu Company